ڕۆژەڤی ١٩-٩-٢٠١٩

- ئەمڕۆ کاتژمێر ۱۰ی بەیانی لە هۆڵی کۆمسیۆنی باڵای مافەکانی مرۆڤ لەگەڕەکی تسعینی شاری کەرکوک، ڕێکخراوی کۆمەڵی هیوای عێراقی دەرباری ڕۆڵی ژنان لە بەشداریکردنیان لە دەزگا ئەمنیەکان گفتوگۆیەکی کراوە سازدەکات کە بەهاوکاری کۆمسیۆنی باڵای مافەکانی مرۆڤ و ڕێکخراوی pax هۆڵندی ئەنجامی دەدات.


-تەڤگەری ئازادی کۆنگرەیەکی ڕۆژنامەنووسی لەبارەگای خۆی لە شاری سلێمانی سەبارەت بە دۆخی ئێستای کەرکوک بەڕێوەدەبات، کاتژمێر١١:٠٠ی پێشنیوەڕۆ...بەڤیدیۆ
-لەژێر ناونیشانی''لەحەسرەتی بڕیارو تابلۆ ونبووەکان'' بەڕێوەبەرایەتی گشتی ڕۆشنبیری وهونەری گەرمیان پێشانگایەکی شێوەکاری دەکاتەوە، شوێن،بەڕێوەبەرایەتی گشتی ڕۆشنبیری و هونەری گەرمیان، کاتژمێر،١٠:٠٠ی سەرلەبەیانی...بەڤیدیۆ

 

- سكرتێری گشتی حزبی شیوعی كوردستان پێیوایە، سەردانی شاندی هەدەپە بۆ باشوری كوردستان پتەوكردنی پەیوەندی لایەنە كوردیەكان بووە، دەشڵێت: هەدەپە داوای بەدیهێنانی مافی گەلی كورد لەسەرجەم بەشەكانی كوردستان دەکات...بەڤیدیۆ

- لایەنە توركمانییەکان تا ئێستا لە دانوستانەكانی لایەنەكانی شاری کەرکوک، بۆ دانانی پارێزگارێكی كورد بۆ ئەو شارە وەڵامی یەکلاکەرەوەی نەداوەتەوە، جێگری لێپرسراوی مەڵبەندی دووی یەكێتیش دەڵێت: توركمان داوای پۆستی پارێزگار دەكات، تا ئێستاش خۆیان یەكلای نەكردۆتەوە كە چ پۆستێك وەربگرن، ئەندامی وەفدی عەرەبی لە دانوستانەكانیش ئاشكرایدەكات پێشكەوتنی باش هەیە لە دانوستانەكان....بەڤیدیۆ

- به‌پێی ئامارێكی ئیداره‌ی شارۆچكه‌ی خانه‌قین له‌كۆی ٢٧ به‌ڕێوەبه‌ری فه‌رمانگه،‌ ته‌نها سیانیان ژنن، ژنانی سنوورەکە دەڵێن حکومەت و حزب ڕۆڵی ئەوانی لاواز کردووە، له‌به‌رامبه‌ردا سه‌رۆكی ئه‌نجومه‌نی شارۆچکەکە‌ ده‌ڵێت:"هیچ كات ڕێگر نه‌بووین له‌ وه‌رگرتنی پۆستی ئیداریی له‌ لایه‌ن ژنانه‌وه"

ک.س