ڕۆژەڤی ٢٤-٤-٢٠١٩

-لە بەردەم یو ئێن لە هەولێر گردبوونەوەیەک لە دژی گۆشەگیریی سەر ئۆجالان بەڕێوەدەچێت، بە ئامانجی فشارخستەسەر سەر یو ئێن بۆ گوێگرتن لە داواکاریی مانگرتوان، ئەمڕۆ کاتژمێر ١١:٠٠ی پێش نیوەڕۆ.


-بە دروشمی نەمری بۆ شەهیدانی کارەسات و ڕاپەڕین، لە شارۆچکەی قەڵادزێ بە مەراسیمێک یادی ٢٤ی ٤ ڕۆژی بۆردوومانی قەڵادزێ دەکرێتەوە، ئەمڕۆ کاتژمێر ٠٩:٣٠ سەرلە بەیانی.

-نۆیەمین کۆنگرەی کۆمەڵەی پێشمەرگە دێرینەکانی حزبی شیوعی عێراق بەڕێوەدەچێت، ئەمڕۆ کاتژمێر ٠٣:٠٠ی پاش نیوەڕۆ لە هەولێر.

-ڕێکخراوی سروشتی کوردستان هه‌ڵده‌ستێ به‌ پێشکه‌شکردنی دوو پرۆژه‌ یاسا به ‌په‌رله‌مانی هەرێمی کوردستان تایبه‌ت به ‌(پاراستنی مافی ئاژه‌ڵان به‌تایبه‌ت "سه‌گ و گوێدرێژ و پشیله‌" - دروستکردنی پارکی نیشتیمانی) ناوه‌ڕۆکی پرۆژه‌کان بۆ که‌ناڵه‌کانی ڕاگه‌یاندن بڵاوده‌کرێته‌وه‌، ئەمڕۆ کاتژمێر ٢ی پاش نیوه‌ڕۆ لە به‌رده‌م باڵه‌خانه‌ی په‌رله‌مان.

-کۆمیتەی ئازادیی بۆ ئۆجالان بە هاوکاری قاوەخانەی کەلتوری لە دەربەندیخان سیمینارێک بۆ محەمەد بەکر و د.حەکیم عەبدولکەریم ئەنجامدەدات، بە ناونیشنانی (ڕۆژهەڵاتی ناوەڕاست لەنێوان کەلتوری دەوڵەت نەتەوە و کەلتوری نەتەوەی دیموکرات) ئەمڕۆ کاتژمێر ٤ی ئێوارە.

-ڕۆژنامەنووسانی شاری هەولێر، پاڵپشتی خۆیان بۆ مانگرتووان دووپاتدەکەنەوە و ڕایدەگەیەنن، هۆکاری گرنگی نەدان بە مانگرتنەکانی هەدەپە لەلایەن بەشێک لە ڕاگەیاندنەکانەوە دەگەڕێتەوە بۆ حیزب و بیرکردنەوەی لایەنە سیاسییەکان، کە میدیاکان بەڕێوە دەبات.

-بایەخدان بە کەلوپەلە کلتورییەکان و ئەرکی پاراستنی ژینگە، هاوڵاتیان دەباتەوە بۆ چەند دەیەیەک پێش ئێستا و ئەو جانتا لە بەن دروستکراوانەی، کە جاران وەک خوێدان بەکاردەهات، ئێستا لەجیاتی جانتای چەرم لەشانی دەکەن.

-ئەو شەپۆلە بەفربارینەی دوو ڕۆژی ڕابردوو زیانێکی زۆری لە جوتیارو باخدارانی ناوچەی باڵەکایەتیداوە، جوتیارانی سنورەکەش دەڵێن: ژیانمان لەسەر ئەو پیشەیە بەڵام بەهۆی بەفرەوە کە لە کاتی خۆی نەبووە زیانێکی زۆرمان بەرکەوتووە و داواشدەکەن حکومەت لیژنەیەک پێکبهێنێـت و قەرەبوویان بکاتەوە.

-هەردوو چالاکوانی مانگرتوو دژ بە گۆشەگیریی سەر ئۆجالان، هەرێم مەحمود و نەهرۆ خانەقینی، ڕەخنەی بەشێک لە ڕاگەیاندنەکان دەکەن، لە گرنگینەدان و بەڕۆژەڤنەکردنی گۆشەگیریی و دەڵێن: نیشانەی ئەوەیە، ئەو میدیایانە لە خزمەت ئەجێندای داگیرکەراندان و دەستی حزبیان بەسەرەوەیە