ڕۆژەڤی ٢/٦/٢٠١٩

-ئەمڕۆ ساڵیادی گولـلەبارانکردنی ٥٩ گەنجی شاری مهابادە بەدەستی دەوڵەتی ئێران، ڕاپۆرتێکی ڕۆژنیوز لەوبارەیەوە.


-شەوی قەدر، "لەیلەتول قەدر" لە مانگی ڕەمەزاندا سونەتێكی ئاینی پیرۆزی ئیسلامە، موسڵمانان لە ئێوارەی ٢٠ـەم ڕۆژی مانگی ڕەمەزانەوە تاوەكو كۆتا ڕۆژەكانی مانگەكە لە دوای نوێژی شێوانەوە، ناخەون دەست دەكەن بە نوێژ و قورعان خوێندن تا كاتی بانگی بەیانی..ڕاپۆرتێکی ڕۆژنیوز لەبارەی شەوی قەدر لە کەرکوک..بەڤیدیۆ

-هاوڵاتیانی شاری بەغدا، داوادەکەن عێراق نەکرێتە مەیدانی ململانێیکانی نێوان ئەمریکا و ئێرانم پێیان وایە دەبێت سیاسییەکانی عێراق بە هەستیاریەوە مامەڵەبکەن لەگەڵ ئەو دۆخەدا و نەهێڵن عێراق ببێتەوە مەیدانی جەنگ، چونکە خەڵکی عێراق ماندوو بووە..بە ڤیدیۆ

-عەدنانی حەمەی مینا، ئەندامی سەرکردایەتی یەکێتی جەخت لە گرنگیی یەکگرتوویی کورد دەکاتەوە و دەڵێت، کە "هێزە تێکۆشەرەکانی گۆڕەپانی کوردستان هەموویان لەسەر بەرژەوەندییە باڵاکانی خەڵک کۆکبن، بۆ ئەوەی دەستکەوتەکانی خەڵکی کوردستان بپارێزین"... بە ڤیدیۆ

-هاوڵاتیانی گەرمیان سەبارەت بە هێرش و داگیرکارییەکانی دەوڵەتی تورکیا و ئێران بۆسەر خاکی کوردستان ئاماژە بەوە دەکەن، ئامانج لەناوبردنی تەواوی گەلی کوردە، باس لەوەش دەکەن، کە دەسەڵاتداران و حزبە سیاسییەکانی هەرێمی کوردستان بوونەتە ڕێگەخۆشکەریان، بۆ ڕووبەرووبوونەوەی ئەو داگیرکاریانەش دەڵێن: پێویستە کۆ دەنگییەکی نەتەوەیی دروستبکرێت.. بە ڤیدیۆ