ڕۆژەڤی ٣٠-١٢-٢٠١٨

- لە سەرانسەری کوردستان و ئەوروپا مانگرتن لە خواردن دژی گۆشەگیریی سەر ئۆجالان بەردەوامە.


- یەکێتی وەبەرهێنەرانی کوردستان، کۆنفراسێکی ڕۆژنامەوانی بۆ یاسین مەحمود، وتەبێژی یەکێتی وەبەرهێنەران ساز دەدات، سەبارەت بە ڕەوشی وەبەرهێنان لە هەرێمی کوردستان و کاریگەریەکانی قەیرانی دارایی و هاتنی داعش و پاشەکشەی وەبەرهێنان، ئەمڕۆ کاتژمێر ١٢ی بەیانی لە سلێمانی لە هۆتێل تایتانیک.. بەڤیدیۆ

- پرۆژەی پەرەپێدانی مافی "کەمە نەتەوەکان" لە عێراق کۆنگرەی ڕۆژنامەوانی ئەنجام دەدات لەسەر پێشێلکارییەکانی ساڵی ٢٠١٨ بەرامبەر بە پێکهاتەکان، ئەمڕۆ کاتژمێر ١١ی بەیانی لە هەولێر..بەڤیدیۆ

- ئەمڕۆ کاتژمێر ٢ی پاشنیوەڕۆ سەکۆی بەشداری گشتی سلێمانی یەکەمین کۆنفڕانس ئەنجامدەدات هۆڵی هۆتێل های کریست لەژێر ناوی ( بەشداری کارای هاوڵاتیان و ڕێکخراوەکان لە پڕۆسەی دروستکردنی بڕیاردا) لە چوارچێوەی پڕۆژەی هەماهەنگی گەشەپیدان لەنێوان ئەنجومەنی پارێزگای سلێمانی و ڕێکخراوە ناحکومییەکان.

- پۆلیسی هەولێر ئاماری ٢٠١٨ بڵاو دەکاتەوە، ئەمڕۆ کاتژمێر ۱۰:۳۰ لە پرێسکۆنفراسێکدا لە هەولێر. . بەڤیدیۆ

-شارەوانی سلێمانی کۆنگرەیەکی ڕۆژنامەنوسیی ئەنجامدەدات و چەندین بڕیار و پرۆژەی نوێ ئاشکرا دەکات، کاتژمێر ١٠:٣٠ خولەک، بە ڤیدیۆ

- هاوڵاتیانی شارۆچکەی ڕەواندزی سەر بە پارێزگای هەولێر ڕایدەگەینن، دەوڵەتی تورک دژ بە ئامانجەکانی گەلی کورد پیلانگێڕی دەکات، داواش دەکەن گەلی کورد بەردەوام بێت لە وەستانەوە دژی ئەو هەوڵانە و پشت بە ئیرادە و یەکگرتویی خۆی ببەستێت.. بە وێنە

- فەرید ئەسەسەرد، ئەندامی ئەنجومەنی سەرکردایەتیی یەکێتی ئەوە دەخاتەڕوو، کە هەبوونی ناکۆکیی و بۆچوونی جیاوازی لایەنە سیاسییەکان لەسەر "زۆر بابەت"، پێکهێنانی حکومەتی نوێی دواخستووە و تا ئێستا هەوڵەکان بەهیچ ئەنجامێک نەگەشتووە، دەشڵێت: نامانەوێت کێشەکانی کابینەی پێشوو بگوێزرێتەوە بۆ ئەم کابینەیە.. بە ڤیدیۆ

- چێشتخانەی خانمانی ڕۆژهەڵات، لە لایەن نەسرین کەریمی ناسراو بە نەسرین تەنیا، بە مەبەستی ناساندنی خواردنی ڕۆژهەڵات و ئێران و ڕەخساندنی هەلی کار بۆ چەن ژنێک، ماوەی زیاتر لە دوومانگ دەبێت لە گەڕەکی عەقاریی شاری سلێمانی کراوەتەوە.. بەڤیدیۆ

- لە ساڵی ٢٠١٨ لە شەنگال زۆر گەشەدانی گرنگ ڕوویاندا، لەلایەک هەڕەشە و هێرشەکانی دەولەتی تورک بەردەوام بوون و لەلایەکی دیکەشەوە لە بواری ئیرادەی سیاسی و پاراستنی ناوچەکە هەنگاوی گرنگ نرا..پانۆراما