ڕۆژەڤی  ٦/١١/٢٠١٨

- کۆنگرەیەکى ڕۆژنامەوانى لە هۆڵى میوانخانەى کۆمەڵگاى دەراوەزى نێودەوڵەتى باشماخ ساز دەکرێت، سەبارەت بەڕەوشى ئێستاى ئێران و دەروازە سنوورییەکانى لەگەڵ هەرێمى کوردستان و عێراق و کۆمەڵگاى باشماخ بەتایبەتى، کاتژمێر١٠:٠٠ى سەرلەبەیانى.. بەڤیدیۆ


- کاتژمیر ١١ شاندیکی ئه‌نجومه‌نی سه‌رکردایه‌تی پارێزگای سلیمانی- هه‌ڵه‌بجه‌ی پ.د.ک به‌ سه‌روکایه‌تی عارف ته‌یفور سه‌روکی ئه‌نجومه‌نی سه‌رکردایه‌تی، سه‌ردانی هه‌ڤال ئه‌بوبه‌کر پاریزگاری سلیمانی ده‌که‌ن و کۆده‌بنه‌وه‌ له‌ بینای پارێزگای سلێمانی.. بەڤیدیۆ

- زانکۆی گەرمیان وۆرکشۆپی پیسبوونی ژینگە و کاریگەرییە نەرێنییەکانی ئەنجام دەدات، ئەمڕۆ کاتژمێر ١٠ی بەیانی لە هۆڵی سیمیناری کۆلێژی پەروەردە.. بەڤیدیۆ

- ئەمڕۆ  پەرلەمانی خولی پێنجەم دەستبەکار دەبێ، بەپێی ماددەی ٣ لە پەیڕەوی ناوخۆی پەرلەمان یەکەم دانیشتن لە ماوەی ١٠ ڕۆژ لە ڕۆژی پەسەندکردنی  ئەنجامی کۆتاییەکان دەبەستێت لە کاتی ئاراستەنەکردنی بانگهێشت ئەوا پەرلەمان بە شێوەی ئاسایی کاتژمێر ١٢ نیوەڕۆی رۆژی دوای ئەو ماوەیە کۆدەبێتەوە.

- کاتژمێر ١٠:٣٠ له‌ هۆتیل کریستال لە هەولێر، به‌ڕێوه‌به‌رایه‌تى گشتى به‌ره‌نگاربوونه‌وه‌ى توندوتیژى دژى ئافره‌تان به ‌هاوکارى سه‌رجه‌م ڕێکخراوه‌کانى un و ڕێکخراوه‌کانى کومه‌ڵگاى مه‌ده‌نى له‌ سنوورى سه‌رتاسه‌رى هه‌رێمى کوردستان ئاماده‌کارى بۆ هه‌فته‌ى به‌ره‌نگاربوونه‌وه‌ى توندوتیژى دژی ئافره‌تان ڕاده‌گه‌یه‌نرێت که ‌تیایدا پلان بۆ ئه‌م هه‌ڵمه‌ته‌ ده‌خرێته‌ڕوو.. بە ڤیدیۆ

- ماوەی ٢٠ ساڵە عەبدوڵا ئۆجالان، ڕێبەری پارتی کرێکارانی کوردستان-پەکەکە، بە پیلانگێڕییەکی نێودەوڵەتی ڕفێندراوە و لە ساڵی ٢٠١١- شەوە گۆشەگیرییەکی فراوانی لەسەر بەڕێوەدەچێت، ماوەى دووساڵیش دەبێت تەنانەت نەیانهێشتووە خانەوادەکەشى چاویان پێیبکەوێت, سەبارەت بەم پرسە هاوڵاتیانی شارۆچکه‌ی ڕانیەى ئیدارەى ڕاپەڕین بۆ ڕۆژنیوز دەدوێن.. بە ڤیدیۆ

- له‌ شارۆچکه‌ی سۆران سه‌ربه‌ پارێزگای هه‌ولێر ماوه‌ی شەش ساڵه ‌١٤٤ یه‌که‌ی نیشته‌جێ بوون به‌ ناوی کرێنشینان له‌لایه‌ن وه‌زاره‌تی ئاوه‌دانکردنه‌وه‌وە دروستکراوه‌، به‌ڵام تا ئێستا دیار نیه‌ ئه‌و شوقانه‌ به ‌کرێنشینان ده‌درێت یان که‌سوکاری شه‌هیدان.. بە وێنە

- ١٣ ئه‌ندام و سه‌رۆکی ئه‌نجوونی پارێزگای که‌رکوک، زیاتر له‌ ساڵێکه‌ ده‌وام ناکه‌ن و مانگانه‌ موچه‌ی خۆیان وه‌رده‌گرن، ڕووداوه‌کانی ١٦ی ئۆکتۆبه‌ریش بیانوویەکە‌ بۆ نه‌گه‌ڕانه‌وه‌ی ئەو ئه‌ندامانەی ئه‌نجوومه‌نەکە کە له‌سه‌ر پشکی پارتین و بە سه‌رۆکی ئه‌نجوومه‌نه‌کەشەوە‌...بە ڤیدیۆ