ڕۆژەڤی ٨/٨/٢٠١٩

-بەڕێوبەرایەتیی گشتیی ڕۆشنبیریی و هونەری گەرمیان بۆ ساڵیادی کۆمەڵکوژیی شەنگال، پێشانگایەکی فۆتۆگرافیی دەکاتەوە، بۆ هونەرمەند عەلی ئەرکادی.. کاتژمێر ١٠:٣٠ خولەک، بەڤیدیۆ


- کاتژمیر ٣ ی پاشنیوەڕۆ فوکس گروپێک ئەنجامدەدرێت لەبارەی گرفتەکانی ژنان لە کومەڵگادا، کە چەند ئامارێک ڕادەگەیەندرێت، لە هۆتێل های کریست لە سلێمانی

-لە سنووری پارێزگای هەولێر، لە شەش مانگی ڕابردوودا ٢٧ کەسی تووشبوو بەنەخۆشی تالاسیمیا تۆمارکراون و لەو ماوەیەشدا ٦ كەس بەو نەخۆشییە گیانیان لەدەستداوە، بەرپرسی ڕایگەیاندنی كۆمەڵەی تالاسیمیای هەولێریش دەڵێت: ئامارەكان جێگای دڵخۆشیی نییە و پێویستە كۆمەڵگا هۆشیار بكرێتەوە بۆ ئەوەی ڕێژەی ئەو منداڵانەی تووشبوون بەو نەخۆشییە زیاتر نەبێت.. بەڤیدیۆ

-هاوڵاتیانی شاری سلێمانی، بەبۆنەی نزیکبوونەوەی جەژنی قوربان، خوازیارن ئەم جەژنە ببێتە جەژنی ڕووبەڕووبونەوەی داگیرکاریی و یەکگرتوویی نێوان لایەنە سیاسییەکان و داواش لە حیزبە کوردستانییەکان دەکەن، کێشەکاییان وەلا بنێن و ئەم جەژنە وەک هەلێک بقۆزنەوە بۆ پێکهێنانی یەکگرتوویی نێوانیان..بەڤیدیۆ

-ئەندامێكی ئەنجومەنی ناوەندی یەكێتی نیشتمانی كوردستان دەڵێت، جێگای قبوڵ نییە حزبێكی كوردستانی ببێتە كەوا سوری بەر لەشكر بۆ داگیركردنی خاكی باشوری كوردستان و شەڕی كورد كوژی، داواشدەکات "هاوڵاتیان یەك هەڵوێست بن ئەو هەڵوێستەش بە كۆنگرەی نەتەوەیی كوردستان دەكرێت و كورد لەو كۆنگرەیەوە هەڵوێستی خۆی ڕابگەێنێت"..بەڤیدیۆ