دژی دەستگیركردنی ئەندامێكیان لە شاری هەولێر، ڕێكخراوی ژنانی ئازادی كوردستان-ڕژاک، سبەینێ زنجیرەیەك چالاكی ئەنجام دەدات.
٦ی ئەم مانگە هێزە ئەمنییەکانی هەولێر هەڵیانکوتایە سەر ماڵی سەمیرە حەمەد ئەمین ئەندامی تەڤگەری ئازادیی و ڕژاک و دەستگیریان کرد، دژی ئەو دەستگیرکردنە، بڕیارە لە كەرکوک، ڕانیە، سەیدسادق، گەرمیان و سلێمانی چالاکی بەڕێوەبچێت.
کاتی چالاکییەکان کە هەموویان سبەینێ ١١-٨ بەڕێوەدەچن وەهایە:
*كەرکوک- شوێن: ئۆفیسی ڕێکخراوی ژنانی ئازادی کوردستان- سەرچنار، کاتژمێر: ٣:٣٠
*ڕانیە، کاتژمێر: ٤:٣٠
*شارەزوور.، سەیدسادق – لەسەر پردی سەیدسادق، کاتژمێر ٥:٠٠
*سلێمانی، پارکی دایک، کاتژمێر ٥:٣٠
*گەرمیان، پارکی لەیلا قاسم، کاتژمێر ٠٥:٠٠
سۆما فەرهاد ئەندامی ئەنجومەنی ڕێكخراوی ڕژاک بۆ ڕۆژنیوز ووتی:”وەكو هەمووان ئاگادارین لە شاری هەولێر چەند چالاكوانێكی مەدەنی دەسگیركراون لە نێویاندا دوو ژن هەیە، هەڵبەتە ئەم پیلانە درێژەی هەیە كە لەسەر ژنان بەردەوامە، بە دەستگیركردنی ژنان دەیانەوێت دەنگی ئازادی ژن كپبكەن، هەر ژنێك لە شاری هەولێردا وەك چالاكوان وەك نووسەر و ڕۆژنامەنووس دەربكەوێت لە شاری هەولێر دەسگیردەكرێت.
داواشی لەسەرجەم ژنان و دایكان و چالاكوانانی ژنان کرد، کە “خاوەنداری لە چالاكییەكان بكەن چونكە ئەمڕۆ فشار و دەستگیركردن لەسەر ئەم ژنانەیە سبەی لەسەر ئێمەیە، ئەمە پیلانێكی داڕێژراوە تەنها بۆ سەر كەسێك یان لایەنێكی دیاری كراو نیە، ئەمە دەسدرێژییەكی درێژخایەنە لەسەر ژنان”.
س.ح
