ڕێكخراوی ژنانی ئازادی كوردستان- ڕژاک، دژی دەستگیرکردنی ئەندامێکیان بەناوی سەمیرە محەمەدئەمین، لەلایەن ئاسایشی پەدەکە-وە لە شارۆچکەی سەیدسادق گردبوونەوەیان ئەنجامدا و داوای دەستبەجێ ئازادکردنی ئەو ئەندامەیان و دەستگیرکراوانی دیکەی تەڤگەریی ئازادیان کرد لە سنووری هەولێر.
ئێوارەی ئەمڕۆ، لەناو بازاڕی شارۆچکەی سەیدسادقی سەر بە پارێزگای سلێمانی، ڕێكخراوی ژنانی ئازادی كوردستان گردبوونەوەیەكی ناڕەزایەتیان ئەنجامدا.
ژاڵە هەورامی، ئەندامی ڕێكخراوی ژنانی ئازادی كوردستان، بەیاننامەی ڕێكخراوەكەی خوێندەوە کە تێیدا هاتبوو: سەمیرە حەمەدئەمین ئەندامی ڕێكخراوی ژنانی ئازادی كوردستان، یەكێكە لەژنە بوێر و بەغیرەت و سەربەرزەكانی دەشتی هەولێر، هەموو تەمەنی پڕبووە لە لەتێكۆشان دژی ڕژێمی بەعس، لەدوای ڕاپەڕینی ساڵی ١٩٩١ تائەمڕۆ بێ وچان لەتێكۆشاندا بووە بۆ بەرەنگاربوونەوەی توندوتیژیی دژی ژنان.
لەبەیاننامەكەشیاندا باسیان لەوەشكرد، سەمیرە حەمەد ئەمین، ژنێكی ئازادیخواز بووە بەردەوام لەپێشەوەی چالاكیە جەماوەرییەكاندا بووە، لەدژی ڕووداوەكانی كوشتن و خۆكوشتن خاوەن هەڵوێستێكی ڕادیكاڵ بووە، ئەم هەڵوێستانەشی بەردەوام ترسی خستۆتە ناو دڵی تەواوی هێزی دەسەڵاتدار بەتایبەتی پەدەكە، چونكە پەدەكە پارتێكی دژە ژن و دژە دیموكراتی و نەتەوەییە.
لە کۆتایی بەیاننامەكەدا ڕێكخراوی ژنانی ئازادی كوردستان، ئەم داواکاریەیان ئاڕاستەی لایەنە پەیوەندی دارەکان کردبوو.
١- ڕێكخراوەكانی ژناو كەسایەتی و چالاكوانان هەڵوێستی خۆیان نیشان بدەن بێدەنگیان بشكێنن.
٢- داوا لەئەندامانی پەڕلەمانی كوردستان دەكەین بەتایبەت سەرۆكی پەڕلەمان وەك ژنێك بەزوترین كات سنور بۆ ئەم هێرشانە دابنێت پەڕلەمان كۆببێتەوە خاوەندارێتی لەژنانی خاوەن هەڵوێست بكەن گیراوان ئازاد بكەن.
٣- داوا لەهەموو خەڵكی خاوەن هەڵوێست دەكەین بەزوترین كات فشار دروست بكەن لەپێناو ئازادكردنی تەواوی گیراوانی سیاسی.
٤- داوا لەڕێکخراوە نێودەوڵەتیەكان و مافی مرۆڤی ئەوروپا دەكەین بەرامبەر ئەو تاوانانە بێدەنگ نەبن.
٥- ئێمە وەك ڕێكخراوەكەمان بێدەنگ نابین لەپێناو ئازادی چالاكوان سەمیرە حەمەد ئەمین تەواوی گیراوانی سیاسیدا بەردەوام لەچالاكیدا دەبین تەوامی مەلەفی ڕەشی دەسەڵاتی گەندەڵی هەولێر ئاشكرا دەكەین بێوچان لەتێكۆشان بەردەوام دەبین بۆ ئازادی سەمیرە حەمەد ئەمین هەموو گیراوانی سیاسی تاكەرەنتینەكردنی ئازادی هەموو ژنان تەواوی كۆمەڵگا بەردەوام لەتێكۆشان دەبین.
د.ع
