فیگه‌ن یوکسه‌کداغ-یش ده‌ستی به‌ مانگرتن له‌ خواردن کرد

هاوسه‌رۆکی گشتیی پێشووی پارتیی دیموکراتیی گه‌لان -هه‌ده‌په فیگه‌ن یوکسه‌کداغ، به ‌مه‌به‌ستی پشتگیریکردن له‌ چالاکیی مانگرتن له‌ خواردنی له‌یلا گوڤه‌ن، ده‌ستی به‌ مانگرتن له‌ خواردن کرد.


چالاکییەکانی مانگرتن لە خواردن دژی گۆشەگیریی سەر ئۆجالان تا دەچێت فراوانتر دەبێت، ئەمڕۆش فیگه‌ن یوکسه‌کداغ هاوسه‌رۆکی گشتیی پێشووی پارتیی دیموکراتیی گه‌لان -هه‌ده‌په بەشداری ئەو چالاکیانە بوو.

فیگه‌ن یوکسه‌کداغ هاوسه‌رۆکی پێشوی گشتیی هه‌ده‌په‌ له‌ به‌ندیخانه‌ی کاندرا بۆ ماوه‌ی سێ ڕۆژ ده‌ستی به‌ مانگرتن له‌ خواردن کرد، یوکسه‌کداغ بۆ پشتیوانی له‌ مانگرتنه‌که‌ی له‌یلا گوڤه‌ن هاوسه‌رۆکی کۆنگره‌ی کۆمه‌ڵگه‌ی دیموکراتی -که‌جه‌ده و په‌رله‌مانتاری هه‌ده‌په ده‌ستی به‌و چالاکییه‌ کردووه‌،‌ چونکە لەیلا گوڤەن‌ دژی گۆشه‌گیریی سه‌ر ئۆجالان ماوه‌ی ٥١ ڕۆژه‌ له‌ زینداندا له‌ مانگرتندایه‌.

پێش‌ یوکسه‌کداغ، هاوسه‌رۆکی شاره‌وانی گه‌وره‌ی ئامه‌د گوڵتان کشاناک-یش له‌ زیندان ماوه‌ی ١٠ ڕۆژ مانی له‌ خواردن گرتبوو.

 

ک.ک