لە چەمچەماڵ-یش ڕێگریی لە بیرهێنانەوەی ساکینە جانسز کرا

لە شارۆچکەی چەمچەماڵ هێزەکانی ئاسایش ڕێگریان کرد لە ئەنجامدانی سیمینارێک بۆ بیرهێناوەوەی ساکینە جانسز و هاوڕێکانی.


ئێوارەی ئەمڕۆ هێزەکانی ئاسایش لە چەمچەماڵ ئەو هۆڵەیان داخست، کە بڕیار بوو سیمینارێکی تێدا ئەنجام بدرێت و یادی ساکینە جانسز و هەڤاڵەکانی تێدا بکرێتەوە.

هەریەک لە ڕێکخراوی ژنانی ئازادی کوردستان و تەڤگەری ئازادیی ویستیان سیمینارەکە ڕێکبخەن، ئەوان مۆڵەتیشیان لە قایمقامی چەمچەماڵیش وەرگربوو، بەڵام دیسان ڕێگریان لێکرا.

دوای ئەوە بەشداربووان لە دژی ئەو ڕێگرییە گردبوونەوەیەکیان ئەنجامدا و ئەو هەڵوێستەیان شەرمەزار کرد و کۆنگرەیەکی ڕۆژنامەنووسیان ئەنجامدا.

له ‌کۆنگره‌که ڕۆژنامەنووسییەکە‌دا ‌ژینۆ ڕه‌شید، نوێنه‌ری ڕژاک وتی: ئێمه‌ ویستمان له ‌کتێبخانه‌ی گشتی چه‌مچه‌ماڵ سیمینارێک ئه‌نجام بده‌ین بۆ ساڵیادی سه‌کینه ‌جانسز و هاوڕێکانی، که‌ ساڵی ٢٠١٣ له‌ پاریس تیرۆرکران، به‌ڵام به‌داخه‌وه‌ له ‌سه‌رتاسه‌ری کوردستان ڕێگه‌ نه‌درا ئه‌و یاده ‌به‌ڕێوه‌بچێت، چه‌مچه‌ماڵیش بێبه‌ش نه‌بوو له‌و ڕێگه‌پێنه‌دانه‌.

ئه‌وه‌شی خسته‌ڕوو:‌ قائیمقامی شارۆچکه‌ی چه‌مچه‌ماڵ ڕێگه‌ی پێداوین سیمیناره‌که‌ ئه‌نجامبدهین، به‌ڵام له‌لایه‌ن ئاسایشه‌وه‌ ڕێگرییمان لێکرا ‌و ده‌رگای کتێبخانه‌که‌یان لێداخستووین.

وتیشی: ئه‌و حزبانه‌ی له ‌باشوری کوردستان خۆیان به ‌نه‌ته‌وه‌یی ده‌زانن ده‌بوایه‌ خۆیان یاده‌که‌یان بکردایه‌ته‌وه ‌و به‌شداربوونایه، چونکه‌ ساکینه ‌جانسز و هاوڕێکانی تێکۆشانی گه‌وره‌یان بۆ کورد و بۆ ژنانی جیهان و کورد کردووه‌، بۆیه‌ له ‌تەواوی جیهاندا ژنان شانازی به‌ خه‌بانی ئه‌و تێکۆشه‌رانه‌وه‌ ده‌که‌ن و یادیان ده‌که‌نه‌وه‌. 

لە چەند ڕۆژی ڕابردووشدا لە قەڵادزێ و گەرمیان-یش ڕێگریی لە بیرهێنانەوەی ساکینە جانسز کرا.

 

ک.ک