لەچوارچێوەی هەڵمەتی ١٦ ڕۆژەی بەرەنگاربوونەوەی توندوتیژی دژی ژنان، لەگەرمیان ڕێکخراوێک بەناوى شۆخ بۆ گەشەپێدانی تواناکانی ژنان دامەزرا و کار لەسەر بەدەرخستنی تواناکانی ژنان و هۆشیارکردنەوەی تاک لەدژی توندوتیژی دژی ژنان دەکەن.
ئەمڕۆ لە شارۆچکەی کەلاری ناوەندی ئیدارەی گەرمیان، بەئامادەبوونی توێژەکانی گەرمیان، بە مەراسیمێکك ڕێکخراوی شۆخ بۆ گەشەپێدانی تواناکانی ژنان، سەربە مەکتەبی ڕێکخراوە دیموکراتییەکان دامەزرا.
هەیفا مەجید، بەڕێوەبەری ڕێکخراوەکە بۆ ڕۆژنیوز وتی: ئەمڕۆ بەئامادەبوونی توێژەکانی گەرمیان ناساندنمان بۆ ڕێکخڕاوەکەمان کرد، ستافێکی چالاکمان هەیە، ئامانجی ئەم ڕێکخراوە بە دیارخستنی توانای ژنان و بەهرەکانیانە، کە خاوەن توانا و پیشەیەکی جوانن، لەپێناو خزمەتکردنی ژنان، ڕێکخراوەکی ئەهلییە و سەربە مەکتەبی ڕێکخراوە دیموکراتییەکانە.
ئاماژەی بەوەشدا، ئۆفیسی سەرەکیمان لە گەرمیان دەبێت، بەڵام لەسەرتاسەری هەرێمی کوردستان چالاکییەکانمان ئەنجامدەدەین، بەپێی پەیڕەو و پرۆگرامی ڕێکخراوەکەمان چالاکییەکانمانیش پێکدێت لە کۆڕ و سمینار و چالاکی جۆراوجۆر و هۆشیارکردنەوەی تاک لەهەردوو ڕەگەز.
س.س
