ڕێکخراوی وادی ئەڵمانی: توندوتیژی دژ بەژنان زیادیکردوە

ڕێکخراوی وادی ئەڵمانی، ئاشکرایدەکات توندتیژی دەروونی دژ بە ژنان لە هەرێم زیادیکردوە بەتایبەتی لەنێو ماڵان و خوێندنگاکان.


ئەمڕۆ ڕێکخراوی وادی ئەڵمانی لە شاری هەولێر، سمینارێکی بۆ تاوتوێکردنی "توندوتیژی لە کۆمەڵگادا" ئەنجامدا، کە تێیدا ڕاپۆرتی ئەنجامی کەمپەینی نا بۆ توندوتیژی، کە ماوەی ٢ ساڵە لە هەرێمی کوردستان ڕاگەیەنراوە ئاشکراکرد.

پەیام ئەحمەد، سەرپەرشتیاری کەمپەینەکە لەسنوری پارێزگای هەولێر بە ڕۆژنیوزی ڕاگەیاند: ئەمڕۆ کارو چالاکییەکانی دوو ساڵەی کەمپینەکەمان ڕاگەیاند کە بەپێی ئەنجامی ڕاپۆرتی کەمپەینەکە توندوتیژی دژ بە ژنان لە هەرێم زیادیکردوە.

وتیشی: بەپێی ئەنجامی ڕاپۆرتی کەمپەینەکە توندوتیژی جەستەیی کەمی کردوە، بەڵام توندوتیژی دەروونی زیادیکردوە پێویستە بە هەموو لایەک کار بۆ نەهێشتنی ئەو جۆرە توندوتیژیانە بکەین، ئەوەشیخستەڕوو کە لە کۆتایی ئەمساڵدا ڕاپۆرتی کەمپەینەکەیان و ئەنجامی ڕاپرسییەکان دەخەنەڕوو.

لە مانگی ١١ی سالێ ٢٠١٧ ڕێکخراوی وادی ئەلمانی کەمپەینێکی بە ناونیشانی "نا بۆ توندوتیژی" لەسەر ئاستی هەرسێ پارێزگای هەولێر و سلێمانی دهۆک و ئیدارەی گەرمیان  ئەنجامدا و ئەمڕۆش کۆتایی بە کەمپینەکە هێنا.

ک.س