یەكەمین كۆڕبەندی سەركردایەتی خانمان بەڕێوەچوو

لەلایەن ژمارەیەك ڕێكخراوی كۆمەڵی مەدەنی یەكەمین كۆڕبەندی سەكردایەتی خانمان بەڕێوەچوو.


ئەمڕۆ لە شاری هەولێر بە بەشداری ژمارەیەك  لە خوێندكاران و مامۆستایانی زانكۆ و پەرلەمانتاران و چالاكوانانی كۆمەڵگای مەدەنی  یەكەمین كۆڕبەندی سەركردایەتی خانمان دەستی بە كارەكانی كرد كە لەلایەن ژمارەیەك ڕێكخراوی كۆمەڵگای مەدەنی بەڕێوەچوو.

ئاڤان فارس یەكێك لە ڕێكخەرانی كۆڕبەندەكە بە ڕۆژنیوزی وت:"ئامانجمان لەم كۆڕبەندە پیشاندانی توانای ژنانە لە بوارە جیاجیاكانی نێو كۆمەڵگا كە هاوشان لەگەڵ پیاوانن هەروەها زاڵبوونیشە بەسەر تەواوی بەربەرستەكانی ڕۆژانە كە ڕووبەڕووی ژنان دەبنەوە ".

وتیشی، كۆڕبەندەكە بۆماوەی  یەك ڕۆژ بەردەوام دەبێت بەڵام كارەكانی بۆنیشاندانی توانای ژنان لە نێو كۆمەڵگادا بەردەوامی دەبێت و كار دەكەین بۆ ئەوەی بتوانین ژنان بتوانن زاڵبن بەسەر ئەو كۆسپەكانەی دێتە پێشیان.

د.ح