ڕۆژانە ٧٠٠ تۆن زبڵ لە کەرکوک هەڵدەگیرێتەوە

هەڵمەتی یەک مانگەی خاوێنکردنەوەی شاری کەرکوک دەستیپێکرد و بڕیارە ڕۆژانە ٧٠٠ تۆن زبڵ هەڵبگیرێتەوە و فڕێ بدرێت.

لە چوارچێوەی ئەو هەڵمەتەی، دوێنێ لە کۆنفرانسێکدا بڕیاری لەسەر درا، ئەمڕۆ شارەوانیی کەرکوک، بە هاوکاریی و بەشداریی دەیان فەرمانگە و بەڕێوەبەرایەتیی، دەستیان بە هەڵمەتی هەڵگرتنەوەی زبڵ و خاشاک کرد.

فەرەیدون عادل، بەڕێوبەری شارەوانی کەرکوک بە ڕۆژنیوزی وت: لە ئەمڕۆوە ڕۆژانە بڕی ٧٠٠ تۆن زبڵ هەڵدەگرینەوە، ئەوەش بە هاوکاریی ئامێر و ئۆتومبیل و کارمەندی بەشێک لەفەرمانگەکان ئەنجام دەدرێت.

بەڕێوبەری شارەوانیی کەرکوک، وتیشی: بەغدا هەموو جۆرەهاوکارییەکی بۆ کەرکوک ڕاگرتووە، شارەوانی کەرکوک بارگرانییەکی زۆر کەوتووەتە ئەستۆی، لە ئەنجامی نەبوونی کارمەند و پارەی پێویست، زبڵ و خاشاکێکی زۆر لە کوچە و کۆڵانەکانی شار.

 جەختی لەوەش کردەوە، هەڵمەتەکە لە ئەمڕۆوە بەفەرمیی دەستیپێکردووە و تا یەک مانگ بەردەوام دەبێت بەو ئامانجەی لە قۆناغی ئایندە بتوانن پلانی درێژخایەنمان هەبێت بۆ خاوێنکردنەوەی شار.

https://rojnews.news/%da%98%db%8c%d9%86%da%af%d9%87%e2%80%8c/%d9%87%db%95%da%b5%d9%85%db%95%d8%aa%db%8c-%db%8c%db%95%da%a9-%d9%85%d8%a7%d9%86%da%af%db%95%db%8c-%d8%ae%d8%a7%d9%88%db%8e%d9%86%da%a9%d8%b1%d8%af%d9%86%db%95%d9%88%db%95%db%8c-%da%a9%db%95%d8%b1/

ش.ف