بەڕێوەبەرایەتى کەشناسى هەرێم بڵاویکردەوە، لە ماوەى ٢٤ کاتژمێرى ڕابردوودا زۆرترین بڕى بارانبارین لە پیرمام لە سنوورى پارێزگاى هەولێر باریوە بەبڕى ١.٣٩ ملیمەتر و لە بەرامبەردا لە سەنتەرى پارێزگاى هەڵەبجە هیچ بڕێک باران نەباریوە.
بەڕێوەبەرایەتى کەشناسى و بومەلەرزەزرانى هەرێمى کوردستان ئاماری بڕی بارانبارینی ٢٤ کاتژمێری ڕابردووی لە هەرێمی کوردستان بڵاوکردەوە و تێیدا هاتووە، زۆرترین بڕى بارانبارین لە پیرمام بووە لە سنوورى پارێزگاى هەولێر، بە بڕى ١.٣٩ ملیمەتر، لە سەنتەرى پارێزگاکەش ٣.١٩ ملیمەتر، لە سۆران ٨.٢١ ملیمەتر، لە شەقڵاوە ٢٧.٦ ملیمەتر، لە کۆیە ٢١.٥ ملیمەتر، لە مێرگەسور ٢.٣٣ ملیمەتر و لە بارزان ٦.٢٧ ملیمەتر باران باریووە.
لەبارەى پارێزگاى کەرکوکەوە باس لەوەکراوە، لە سەنتەرى پارێزگاکە کەمتر لە یەک ملیمەتر و لە شوان ٢.٦ ملیمەتر باران باریوە.
سەبارەت بە پارێزگاى سلێمانى ئەوەخراوەتەڕوو، لە سەنتەرى پارێزگاکە هیچ بڕێک نەباریووە، لە ڕانیە ٢٧.٨ ملیمەتر، لە چوارقوڕنە ١.١٧ ملیمەتر، لە سەرکەپکان ١٢ ملیمەتر باران باریووە.
لەبارەى بڕى باران بارین لە ٢٤ کاتژمێرى ڕابردوودا لە شارى دهۆک ئاماژە بەوەدراوە، لە سەنتەرى پارێزگاکە ١٣.٧ ملیمەتر، لە ئاکرێ ١٩.٢ ملیمەتر، لە کانى ماسى ١٩ ملیمەتر، لە ئامێدى ٢١ ملیمەتر، لە بجیل ٢٣ ملیمەتر، لە دینارتە ٣٥.٢ ملیمەتر، لە شێخان ٢٣ ملیمەتر و لە باعدرى ٢٢.٥ ملیمەتر باران باریووە.
سەبارەت بە پارێزگاى هەڵەبجە کەشناسى هەرێم ڕایگەیاندووە، لە سنورى ئەو پارێزگایە هیچ بڕیک باران نەباریووە.
ئ.م
