ئاگر زیاتر لە ٣٠٠ دۆنم دارستانی هەورامانی سوتاند

بەهۆكارێكی نادیار ماوەی زیاد لە پێنج كاتژمێرە ئاگرێكی بەهێز، سنوری چەند گوندێكی شارەدێی بیارەی سەربەپارێزگای هەڵەبجەی گرتووتەوە و بەهۆیەوە زیاتر لە ٣٠٠ دۆنم لە دارستان و باخی سروشتی ناوچەكە سوتاون.


لە دوانیوەڕۆی ئەمڕۆوە ئاگرێكی بەهێز سنوری گوندەكانی هاوار و تاوێرە و چەمی هاوار و چەمی بیارەی گرتوەتەوە و هێشتا نەتوانراوە كۆنتڕۆڵ بكرێت.

بەپێی زانیارییەکانی بەڕێوەبەرایەتی بەرگری شارستانی هەڵەبجە بۆ ڕۆژنیوز، بەهۆی سەختی ناوچەكەو بونی مین و تەقەمەنی، ئاگرەکە کۆنترۆڵنەکراوە و تا ئێستا زیاتر لە ٣٠٠ دۆنم لە دارستان و باخی سروشتی ناوچەكە سوتاون و ئەگەر هەیە زیانەکانی زیاتر بکە.

س.ح