لافاو زیانێكی زۆری لە باڵەكایەتی دا

بەهۆی بارینی بارانێکی زۆرەوە لە دەڤەری باڵەکایەتی لە بەشێك ناوچەكانی سنوورەکەدا لافاو دروستبووە و بەوهۆیەەوە زیانێكی زۆری ماددی بە هاوڵاتیان گەیاندووە و ڕێگای زیاتر لە ٢٠ گوندی گوندیش پچڕاوەو چەندین پرۆژەی خزمەتگوزاریش لەناوچوون.


بارانێكی بەخوڕ لە شەوی ڕابردووەوە لە باشوری کوردستان بەردەوامە، بەوهۆیەوە لە چەندین شوێن لافاو دروستبووە و زیانی بەدواوەبووە، لەوچوارچێوەدا لە دەڤەری باڵەکایەتی لە سنووری پاریزگای هەولێر شەوی ڕابردووەوە باران بەردەوامی هەبووە و زیانی بەهاوڵاتیان گەیاندوووە.

باران لە لە گوندەكانی دۆڵی رۆست-ی سەر بە شارەدێی سمیلانی سنووری شارۆچكەی چۆمان لافاوێكی زۆری دروستکردووە، بەوهۆیەوە ڕێگای نزیكەی ١٥ گوند پچڕاون و چەندین پرۆژەی ئاودێری و كارەباو ڕێگاو بانیش لەناوچوون.

هەر لە دۆڵی رۆست زیانێكی زۆر بەر خان و و دووكانی هاوڵاتیان كەوتووەو چەند مزگەوت و شوێنێكی گشتیش ژێر ئاو كەوتوون، هاوڵاتایان لە ناوچەكەدا ماڵەكانیان جێهێشتووە.

هاوكات لە گوندی دەربەند و گوندەژۆری سنوری شارەدێی حاجی ئۆمەرانیش زیانێكی زۆر بەر خانوی هاوڵاتـیان كەوتووەو چەند ئۆتۆمبێلێكیش بەر لافاوەكە كەوتوون.

هەروەها بەهۆی لە ناوچوونی پردی دەربەندی- سەر بەحاجی ئۆمەران، ڕێگای سەرەكی پێنج گوند لەو ناوچەیە پچڕاوە، لەگەڵ ژێر ئاو كەوتنی ستونەكانی كارەبا و  پرژەی ئاودێری گوندەكان.

س.ح