لافاو ڕێگەیەکی سەرەکی دادەخات

به‌هۆی لافاو و بارانبارینی زۆرەوە ڕێگای نێوان خانه‌قین-مه‌نده‌لی داخرا، کە ڕێگەیەکی سەرەکییە بۆ هاتوچۆکردن بەرەو بەغدا.


دوو ڕۆژە شەپۆلێکی بارانبارین هەرێمی باشوری کوردستانی گرتوەتەوە، بەڵام لە هەندێک ناوچە زیاتر باریوە و لافاو دروست بووە.

ئازاد حه‌مید، سه‌رۆکی ئه‌نجومه‌نی شارەدێی مه‌نده‌لی به‌ ڕۆژنیوزی وت: به‌هۆی بارانبارینێکی به‌خۆڕ و دروستبوونی لافاو ڕێگای مه‌نده‌لی-خانه‌قین هه‌روه‌ها مه‌نده‌لی-به‌لەدروز داخراون.

وتیشی: زیانێکی زۆر به‌ر ڕێگای مه‌نده‌لی -خانه‌قین له‌ نزیک ناوچه‌ی چه‌م نه‌فت که‌وتووه‌، به‌هۆی به‌هێزی لافاوه‌که‌ به‌شێک له‌ شه‌قامه‌که‌ لافاو بردویه‌تی و پێشبینی ده‌که‌ین، تاکو سبه‌ی لافاوه‌که‌ که‌م ببێته‌وه‌ و ئامێر و کارمه‌ندانی شاره‌وانی ڕێگاکان چاک بکه‌ینەوە.

ئاماژه‌ی به‌وه‌شکرد، که‌ ڕێگای مه‌نده‌لی- به‌لدروز ڕێگایه‌کی سه‌ره‌کیه‌ بۆ به‌ستنه‌وه‌ی مه‌نده‌لی به‌ به‌غدا و ناوچه‌کانی تری ناوەڕاست و خوارووی عێراق.

 

ک.ک