منداڵانی باخچەی ساوایان و پۆلیس پێکەوە نەمامیان چاند

بەئامانجی خۆشەویستکردنی ژینگە و ژینگە پارێزی لای منداڵ، لە چالاکییەکدا منداڵانی باخچەیەکی ساوایان لە کەلار، لەگەڵ بەشێکی پۆلیسدا، نەمامیان چاند.


ئه‌مڕۆ، له‌ باخچه‌ی ساوایانی ئه‌ستیره‌ له‌ ناوشارۆچكه‌ی كه‌لاری ناوه‌ندی ئیداره‌ی گه‌رمیان، به‌سه‌رپه‌رشتی به‌شی پۆلیسی كۆمه‌ڵگایی گه‌رمیان، چالاكییه‌كی ژینگه‌یی به‌ڕێوه‌چوو.

له‌میعه‌ محه‌مه‌د، به‌ڕێوه‌به‌ری به‌شی پۆلیسی كۆمه‌ڵگه‌یی گه‌رمیان، بۆ ڕۆژنیوز وتی: ئامانجمان له‌م چالاكییه‌ جگه‌ له‌وه‌ی خزمه‌تكردنی ژینگه‌ و باسكردنی گرنگی ژینگه‌ بۆ منداڵان، هاوكات به‌ گرنگمان زانی سه‌باره‌ت به‌ پۆلیس و ئه‌ركی پۆلیس  بۆ منداڵان ڕوونكرده‌وه بدەین‌، تا بزانن پۆلیس كار بۆ خزمه‌تكردنی خه‌ڵك ده‌كات و ئه‌و ترس و دڵه‌ڕاوكێیه‌ی منداڵان له‌سه‌ر پۆلیس هه‌یانه‌ بڕه‌وێته‌وه.

د.ع