وه‌رزشکارانی ده‌ربه‌ندیخان سه‌یرانگایه‌ک پاکده‌که‌نه‌وه‌

ژماره‌یه‌ک یاریزان و وه‌رزشکاری شارۆچکه‌ی ده‌ربه‌ندیخان، هه‌ڵمه‌تێکی پاککردنه‌وه‌ی سه‌یرانگای گوندی ناودی-یان ئەنجامدا.


ئه‌مڕۆ تیپی وه‌رزشی کانی ساردی شارۆچکه‌ی ده‌ربه‌ندیخانی سه‌ر به‌ پارێزگای سلێمانی، سه‌یرانگای گوندی ناودی-یان له‌ بناری به‌مۆ پاککرده‌وه‌ له‌ پاشه‌ڕۆی خواردنی گه‌شتیاران.

له‌سه‌ر هه‌ڵمه‌ته‌کە، ساڵح ئه‌حمه‌د، یه‌کێک له‌ ئه‌ندامانی تیپه‌که‌، بۆ ڕۆژنیوز، وتی: به‌ مه‌به‌ستی گه‌شتکردن ڕۆیشتینه‌ سه‌یرانگای گوندی ناودێ له‌ سنوری بناری به‌مۆ، کاتێک چوینه‌ سه‌یرانگاکه‌ بینیمان زۆر پیسه‌ و به‌ که‌ڵکی ئه‌وه‌ نایه‌ت تێیدا دابنیشیت.

وتیشی: بۆیه‌  بڕیاری ئه‌وه‌ماندا هه‌ڵمه‌تێکی پاککردنه‌وه‌ی سه‌یرانگاکه‌ ئه‌نجام بده‌ین، تا کاتژمێر ١ی دوانیوه‌ڕۆ سه‌یرانگاکه‌مان پاککرده‌وه‌ له‌و پاشه‌ڕۆی خواردنانه‌ی که‌ گه‌شتیاران به‌جێیان هێشتبوو.

 

ک.ک