٢١٤ ڕاوچی لە گەرمیان ده‌ستگیركراون

له ‌ماوه‌ی شه‌ش مانگی ڕابردوودا، لە‌ سنووری ئیداره‌ی گه‌رمیان، ٢٤٠ راوچی دەستگیرکراون، کە ١٥٧ ڕاوچی ئاژەڵ و باڵندە بووەو ٤٧-یشیان ڕاوە ماسییان کردووە.


ئه‌مڕۆ، له‌كۆنگره‌یه‌كی ڕۆژنامه‌نووسیدا له ‌بینای به‌ڕێوه‌به‌رایه‌تی پۆلیسی دارستان و ژینگه‌یی گه‌رمیان، ‌ئاماره‌كانی شه‌ش مانگی ڕابردووی  سنووری ئیداره‌ی گه‌ رمیان له‌ لایه‌ن سه‌ركه‌وت ڕه‌حیم، وته‌بێژی بەڕێوەبەرایەتییەکە بۆ ده‌زگاكانی ڕاگه‌یاندن خرایەڕوو.

بەپێی ئامارەکە، له‌ماوه‌ی شه‌ش مانگی ڕابردووی ئه‌مساڵدا، ١٥٧ سه‌رپێچیكار كه‌ ڕاوی ئاژه‌ڵ و باڵنده‌ی كێویان كردووه‌ ده‌ستگیركراون، ٥٢ و چه‌كی ڕاوكردن و ٣٢١ فیشه‌ك و چوار ماتۆڕ و ٨٤ كه‌ره‌سته‌ی ڕاوكردن، ده‌ستی به‌سه‌ردا گیراوه‌، ٣ ملیۆن و ٢٥٥ هەزار دینار غەرامەی سه‌رپێچیكاران کراوە.

هه‌وره‌ها، ٤٧ کەس كه‌ ڕاوی ماسییان كردووه‌ ده‌ستگیركراون و ٤٣٠ هەزار دینار غەرامە کراون، لەگەل دەستبەسەردا گرتنی کەرەستەکانیان.

بەپێی ئامارەکە، ڕاوکردن بە هەموو جۆرەکانییەوە، به‌راورد به‌ شه‌ش مانگی ساڵی ڕابردوو زیادییان كردووه‌.

س.ح