ژنانی هەڵەبجە لەهەڵمەتێکدا هەزار تورەکەی خامیان دابەشکرد

بەشی ژینگەی ڕێكخراوی نوێی لەپارێزگای هەڵەبجە،لەژێر ناوی 'هەڵەبجە دۆستی ژینگەیە'هەڵسان بەدابەشكردن و دروستكردنی هەزار تورەكەی قوماش بەسەر هاوڵاتیانی شارەكەدا.


بە بەشداری ژنانی پارێزگای هەڵەبجەو ئاوارەکانی عێراق، ئەمڕۆ هەڵمەتێکی دابەشکردنی تورەکەی خام  بەسەرهاوڵاتیان لەژێر ناوی' هەڵەبجە دۆستی ژینگەیە' لەلایەن ڕێکخراوی نوێ بەشی پاراستنی ژینگە، بەڕێوەچوو.

هەڵمەتەکە لەناو بازاڕی شارەکە ئەنجام دراو ئامانج لەم چالاکیەش، بەکارهێنانی تورەکەی خامە لەجێگای کیسەی نایلۆن.

ڕوخۆش سەلام ئەندامی ڕێكخراوی نوێ‌ بۆ پاراستنی ژینگەو مافەكانی ژنان بۆ ڕۆژنیوز وتی:"ئامانجی چالاكیەكەمان لەبەركارهێنانی تورەكە ئەوەیە،هاوڵاتیان دوربكەونەوە لەبەركارهێنانی كیسەی نایلۆن و هاندانیان بۆبەكارهێنانی تورەكەی خام،چونكە كیسەی نایلۆن زیانی زۆرە بۆ ژینگەو هەروەها هاوڵاتیانیش.

وتیشی:دەمانەوێت لەم ڕێگایەوە حەزێك بۆ خەڵكی ڕاكێشین واز لە کیسەی نایلۆن 'عەلاگە' بێنن تورەكەی خام بەكار بێنن،هەروەها لەسەر تورەكەكانیش شتێكی سروشتیش دروست دەكەین،وەك گوڵێك یان ئاژەڵێك بۆ ئەوەی حەزی خەڵكەكە بۆ بەکارهێنانی تورەكە بڕوات.

ئەم ڕێکخراوە ئاماژە بەوە دەکات، کیسەی نایلۆن تەنها یەکجار دەتوانرێت بەکاربێت، بەلام تورەکەی خام چەندین جار بەکاردێت و زیانی تەندروستی نییە.

 

ب.ش