ژینگە پارێزانی شارەزوور هەڵمەتی پاككردنەوەی شارۆچكەكەیان ئەنجامدا

ژینگە پارێزانی شارۆچكەی شارەزوور هەڵمەتێكی پاككردنەوەی پاركی نالی و باخی گشتی و بەشێك لە بازاڕی شارۆچكەكەیان ئەنجامدا.


ئێوارەی ئەمڕۆ ژینگە پارێزانی شارۆچكەی شارەزوور كە لە ژمارەیەك كوڕ و كچی خۆبەخش پێكهاتبوون، هەستان بە پاككردنەوەی پاركی نالی و باخی گشتی و بەشێك لە ناو بازاڕی شارۆچكەكە لە زبڵ و خاشاك و پاشماوەكان.

ئەو كەسانەی بەشداری چالاكییەكەیان كردبوو، لە خەمخۆرییان بۆ پاكڕاگرتنی ژینگەی شارۆچكەكەیان بەشدارببوون، پەیامیشیان ئەوەبوو بۆ هاوڵاتیان پاك و خاوێنی شوێنە گشتییەكان ڕابگرن.

لە بەشێكی تری چالاكییەكەیاندا ژینگە پارێزەران هەستان بە بڵاو كردنەوەی ژمارەیەك پۆستەر و هەڵواسینیان بە پارك و شوێنە گشتییەكاندا.

د.ح