که‌رکوک، له‌دایکبوونی ئۆجالان بە چاندنی ٢٥٠ نەمام پیرۆزکرا

به‌ بۆنه‌ی له‌ دایکبوونی عه‌بدوڵا ئۆجالان ڕێبه‌ری پارتی کرێکارانی کوردستان، له‌ شا‌رەدێی قه‌ره‌هه‌نجیر سەربە کەرکوک، ٢٥٠ نه‌مان چێندران و ئاهەنگێک سازکرا.


کاتژمێر ٣ی پاش نیوه‌ڕۆی ئه‌مڕۆ له‌ سنوری شاره‌دێی قه‌ره‌هه‌نجیری له‌ سنوری پارێزگای که‌رکوک، به‌ ده‌سپێشخه‌ری ڕێکخراوی ژنانی ئازایخوازی کوردستان یادی له‌ دایکبوونی ئۆجالان پیرۆز کرا.

سه‌ره‌تای یاده‌که‌ به‌ خوله‌کێک ڕێزگرتن له‌ شه‌هیدانی ڕێگای ئازادیی ده‌ستی پێکرد، دواتر له‌ لایه‌ن بنه‌ماڵه‌ی شه‌هیدانه‌وه‌ مۆم داگیرسێندرا.

هه‌ر له‌ یاده‌که‌دا ٢٥٠ نه‌مان به‌ بۆنه‌ی ساڵڕۆژی له‌ دایکبوونی ئۆجالانه‌وه‌ چێندران.

هه‌روه‌ها له‌ یاده‌که‌دا وتاری ته‌ڤگه‌ر ئازادیی و ڕێکخراوی ژنانی ئازیخواز و کۆمیتەی سه‌رۆکایه‌تی په‌که‌که‌ خوێندرانەوه‌.

له‌ کۆتایی یاده‌که‌دا ئاهەنگ و هه‌ڵپه‌ڕکێی کوردەواریی ئه‌نجامدرا.


ک.ک