کەشناسى هەرێم بڵاویکردەوە، ئەمڕۆ ئاسمان ساماڵ دەبێت و پلەکانى گەرما سێ تا پێنج بەرزدەبنەوە و سبەى ئاسمان ساماڵ دەبێت لەگەڵ ئەگەرى بارینى تۆز و خۆڵێکى کەم، دەشڵێن: پلەکانى لە هەندێ ناوچە گەرما دەگاتە ٤٩ پلە.
بەپێی پێشبینییەکانی کەشوهەوا، ئەمڕۆ ئاسمان بەگشتى ساماڵ دەبێت و خێرایى با لەنێوان ١٠-٢٠ کیلۆمەتر دەبێت لە کاتژمێرێکدا و مەودای بینین لەنێوان هەشت-١٠ کیلۆمەتردا دەبێت .
لە بەشێکى دیکەى ڕاگەیەندراوەکەى کەشناسى هەرێمدا هاتووە، ئەمڕۆ پلەکانى گەرما سێ تا پێنج بەرز دەبنەوە و ئەگەرى بەرزبونەوەى زیاترى پلەکانى گەرماش هەیە.
لە ڕاگەیەندراوەکەى کەشناسى هەرێمدا ئەوەخراوەتەڕوو: سبەى بە گشتى ئاسمان ساماڵ دەبێت لەگەڵ بوونی تۆزێکی سووک.
لە کۆتاییدا ئاماژەبەوەکراوە، پلەى گەرماى ئەمڕۆى ناوچەکانى هەرێمى کوردستان بەمشێوەیەن، هەولێر ٤٦ پلە، سلێمانى، ٤٣ پلە، دهۆک ٤٢ پلە، کەرکوک ٤٨ پلە، هەڵەبجە ٤٤ پلە و لە گەرمیان ٤٨ پلە دەبێت.
ئ.م
