کەشناسى هەرێم بڵاویکردەوە، ئەمڕۆ و سبەى ئاسمان ساماڵ دەبێت و پلەکانى یەک تا شەش پلە نزمبونەوە بەخۆیانەوە دەبینن، دەشڵێن: سبەینێ خێرایی با زیاد دەکات ئەوەش دەبێتە هۆى بەرزبونەوەى تۆزێکى سوک، کە کاریگەرییەکەى شەو کۆتاى دێت.
بەپێی پێشبینییەکانی کەشوهەوا، ئەمڕۆ ئاسمان بەگشتى ساماڵ دەبێت و خێرایی با لەنێوان ١٠-٢٥ کیلۆمەتر دەبێت لە کاتژمێرێکدا و مەودای بینین لەنێوان هەشت- ١٠ کیلۆمەتردا دەبێت .
لە بەشێکى دیکەى ڕاگەیەندراوەکەى کەشناسى هەرێمدا هاتووە، سبەى بە گشتى ئاسمان ساماڵ دەبێت و یەک تا شەش پلەکانى گەرما نزم بونەوە بەخۆیانەوە دەبینن و خێرایی با چالاکتتر دەبێت و دەبێتە هۆى بەرزبونەوەى تۆز و خۆڵێکى سوک و کاریگەرى ئەو خۆڵبارینەش لە شەودا کۆتاى دێت.
لە کۆتاییدا ئاماژەبەوەکراوە، پلەى گەرماى ئەمڕۆى ناوچەکانى هەرێمى کوردستان بەمشێوەیەن، هەولێر ٤١ پلە، سلێمانى، ٤٠ پلە، دهۆک ٤٠ پلە، کەرکوک ٤٤ پلە، هەڵەبجە ٤٣ پلە و لە گەرمیان ٤٥ پلە دەبێت.
ئ.م
