هاوسەرۆکى کەجەکە شێوازی هاوڕێیەتیى خۆی لەگەڵ شێرکۆ بێکەس دەگێڕیتەوە و دەڵێت، هەم بەهۆی خزمەتەکانى بۆ گەلی کورد و مرۆڤایەتی، من هەرگیز لە یادی ناکەم.
ئەمڕۆ ماوەی نۆساڵ بەسەر کۆچی دوایی سێرکۆ بێکەس شاعری کورد تێپەڕ دەکات، ئەو شاعیرە کوردە هاورییەتی لەگەڵ بەشیکی زۆر لە سیاسی و سەرکردە کوردەکان هەبووە و هەموویان بە گرنگیەوە باس لە کەسایەتی ئەو شاعیرە دەکەن.
جەمیل بایک، هاوسەرۆکى کەجەکە لە شەشەمین ساڵیادی کۆچی دوایى بێکەس باس لە چۆنیەتی ناسینی کردوە و هەڵویست و بیرکردنەوەکانی بۆ پرسی کورد ئاشکرا دەکات.
جەمیل بایک دەڵێت: شێرکۆ بێکەس هەم وەک دۆست و هاوڕێیەک و هەم بەهۆی خزمەتەکانى بۆ گەلی کورد و مرۆڤایەتی، من هەرگیز لە یادی ناکەم. خەون و خولیاکانى ئەو شاعیرە گەورەیە هەموو کات بە خەون و خولیای خۆم دەزانم. وەک دۆست و هاوڕێیەک هەموو کات باسی ئەو بۆ گەلی کورد دەکەم. تەنها شاعیرێک نەبوو، بەڵکو هاوکات مرۆڤێکی بە پێوەر و پرەنسیپ بوو.
بایک دەیگیڕێتەوە: لە ساڵی ١٩٩٤ دا لە سلێمانى هاوڕێی هێژا شێرکۆ بێکەسم ناسی. پەیوەندیمان لەگەڵ یەکێتیى نیشتمانیى کوردستان (یەنەکە) باشیوو. بەهۆی پەیوەندیمان لەگەڵ یەنەکەدا پەیوەندییەکى بەهێزمان لەگەڵ مامۆستا چەتۆ بەرپرسی پەیوەندییەکانى دەرەوەی یەنەکە هەبوو. رۆژێک لەگەڵ مامۆستا چەتۆ لەبارەى گەورەیى شاعیر شێرکۆ بێکەس-ەوە قسەمان کرد و من داوام لە مامۆستا چەتۆ کرد بە شێرکۆ بێکەسم بناسێنێت.
دەسڵێت: ئێوارەیەک لە ماڵێکدا و لە کاتى نانخواردندا یەکترمان ناسی. من هەم بە ناسینى ئەو شاعیرە گەورەیە دڵخۆش و هەم سەربەرز بووم. هەر چۆن فەیلەسوفێکى یونانى دەڵێت؛ هێزی ئەوانەى گۆرانی و شێعر دەئافرێنن لە هێزی ئەوانە زیاتر و گەورەترە کە یاسا دەئافرێنن. کۆمەڵگە پێش هەموو شتێک لە رێگەى ئەدیبان و هونەرمەندەکانییەوە دەبێت بە کۆمەڵگە. ئەدیبان و هونەرمەندان لە دەستنیشانکردنى کوالیتیى ژیان و بەها کۆمەڵایەتییەکاندا رۆڵێکى زۆر گرنگ دەگێڕن. لەبەر ئەوەش پێش ئەوەى شێرکۆ بێکەس بناسم، بۆ من کەسێکى گەورە بوو، دواى ئەوەشی ناسیم بە هەموو تایبەتمەندییەکانییەوە گەورەبوونەکەیم بینی.
باس لەوەشدەکات: هەموو ئەدیبان و هونەرمەندان سەرنجیان لەسەر پەکەکەیە و بۆ ئەوەش سەرنجی شێرکۆ بێکەسیش چووە سەر بزووتنەوەى پەکەکە. لەبەر ئەوەش هەر هێشتا لە کاتى ناسیندابوو، لەبارەی نزیکایەتی و هەستى هاوبەشی گۆڕینى کۆمەڵگە و ئافراندنی دوارۆژ گفتوگۆیەکى خۆش و باشمان کردبوو.
دەشڵێت “شێرکۆ بێکەس ئەوەى بینى، کە زۆرترین خەون، خولیا و ئامانج و دواخوازەکانى بە تێکۆشانی رێبەر ئاپۆ و پەکەکە بەدی دێن، بۆیە پەیوەندییەکى لەو جۆرە خوڵقا. لەبەر ئەوەش بناغە و کۆنکرێتى ئەو پەیوەندییە زۆر بەهێز بوو. پەیوەندییەک بوو، کە بە هەستی خۆش و جوان بەهێز بوو بوو”.
باس لەوەش دەکات هەرکات چوبێتە سلێمانی سەردانی شیرکۆ بێکەسی کردوە و لە بەرنامەیدا بووە، دەسڵێت: شێرکۆ بێکەس پەیوەندیى لەگەڵ یەکێتیى نیشتمانیى کوردستان (یەنەکە)دا هەبوو. کوردێکى وڵاتپارێز بوو، بۆیە بە خەمساردی لە دۆخی سیاسی نزیک نەدەبوویەوە. لەبەر ئەوەش لە تێکۆشانی سیاسیی باشووری کوردستاندا هەڵوێستى خۆی بە ئاراستەى یەنەکەدا خستبووەڕوو. ئەوەشى ئێمەی بە یەکتری ناساند بەرپرسی پەیوەندییەکانى دەرەوەى یەنەکە مامۆستا چەتۆ بوو. هەموو کات پەیوەندیمان لەگەڵ یەکێتى باش بوو، بەڵام لەبەر ئەوەى چەندین هێز لە باشووری کوردستان تێکۆشانی سیاسی دەکەن، لە ناو حیزبە سیاسییەکاندا کێشە روودەدات. ماوەیەکیش لە نێوان ئێمە و یەنەکەدا کێشەى قورس هەبوون. ئەو دۆخە کاریگەریی لەسەر پەیوەندیى ئێمەش لەگەڵ شێرکۆ بێکەس دروستکرد. شێرکۆ بێکەس هەڵوێستى خۆی بە ئاراستەى یەنەکەدا خستەڕوو. ئێمە ئەوەمان نەکرد بە کێشە و لێى تێگەیشتین. هەر چەند پەیوەندیمان لەگەڵ یەنەکە باش نەبوو، بەڵام پەیوەندیمان لەگەڵ شێرکۆ بێکەس بەردەوام بوو.
ها.غ
