ڕۆژنیوز- بروا ئەسعەد
ئەو مامۆستایەی، کە بووەتە دەنگێکی دیار و سیمبولی خۆپیشاندانەکانی سلێمانی، بە هۆنراوەیەک دژایەتیی هێرشە داگیرکارییەکانی سوپای تورک دەکات.
تاهیر سەعید، مامۆستا و یەکێک لە شاعیرەکانى، کە لە زۆربەی خۆپیشاندانی سلێمانییدا بەشداریی دەکات و بووەتە دەنگێکی دیاری ناڕەزایەتییەکان، بە هۆنراوەیەک هەڵوێستی خۆی دژ بە هێرشە داگیرکارییەکانی سوپای تورک نیشان دەدات.
سلێمانى بەهۆنراوەیەک پاڵپشتى خۆى بۆ گەریلاکانى ئازادى دەردەبڕێت و دژایەتى خۆشى بۆ هێرشەکانى دەوڵەتى داگیرکەرى تورک بۆسەر باشورى کوردستان نیشاندەدات.
مامۆستا تاهیر سەعید، بە ڕۆژنیوزى وت: هەر لە دێر زەمانەوە و لەسەردەمى عوسمانیەوە و تەنانەت لەسەردەمى حکومڕانى ئەو حکومەتانەى، کە لە پاش ڕووخانى عوسمانیەکان دەسەڵاتیان گرتووەتە دەست و تا سەردەمى گرتنە دەستى دەسەڵات لەلایەن ئەردۆغانەوە، هەومویان دووژمنى سەرسەختى گەلى کورد بوون.
بەشێک لە هۆنراوەکەی تاهیر سەعید:
لەشکرکێشى ئەردۆغان بۆ باشوورى کوردستان
هاوشێوەى مەغۆلەکان هێرشیانکردە سەرمان
سنوورى باشورییان بەزاند
نەتەوەى کوردییان ڕاچڵەکاند
هەرچى کوردە بەزمان، هەڵوێستى خۆى ڕاگەیاند
هەتا لە هەندەران، سەرجەم کوردانى وروژاند
سەرباز و جەندرمەکان ستەمکارن وەک ئەردۆغان
گەریلاکانى کوردستان، بەرخۆدانى نەتەوەمان
دەربەدەرى سنوریان کەن ناوى خۆیان لەبیرکەن
پشت بەخودا ڕسوایان کەن و ڕەوانەى دۆزەخیان کەن
بەکرێگیراو نۆکەران پاڵپشتن بۆ ئەردۆغان
لەشکرەکەى ئەردۆغان قەندیلە گۆڕستانیان
ئەردۆغان باش بزانە میلـلەتتمان بەرخۆدانە
نەوەى مەغۆل ئەردۆغان خۆى ناگرێت بۆ بەرخۆدان…
دەوڵەتی داگیرکەری تورک لە ١٥ نیسان لەڕێگای ئاسمانیی و لە ١٧ی نیسانەوە لەڕێگای ئاسمانیی و زەمینییەوە و بە هاوکاریی پەدەکە، هێرشی بۆسەر ناوچەکانی زاپ، مەتینا و ئاڤاشین دەستپێکردووە و گەریلاکانی ئازادییش ڕووبەڕوویان دەبنەوە.
ش.ف
