"به‌ره‌و ئه‌ستێره‌یه‌کی دیکە" له‌ که‌رکوک نمایشکرا

شانۆکارانی سلێمانی نمایشی "به‌ره‌و ئه‌ستێره‌یه‌کی دیکە"یان بردە شاری که‌رکوک و له‌ نێو بینه‌ری که‌رکوکییدا نمایشیان کرد.


ئێواره‌ی ئه‌مڕۆ له‌ هۆڵی چالاکی قوتابخانه‌کانی که‌رکوک، ستۆدیۆی ئه‌کته‌ر به‌ هاوکاری په‌یمانگه‌ی هونه‌ره‌ جوانه‌کانی که‌رکوک و به‌ هاوکاری به‌کری بینه‌ر، شانۆیی "به‌ره‌و ئه‌ستێره‌یه‌کی دیکە"یان بردە‌ که‌رکوک.

ئه‌و شانۆگه‌رییه‌ له‌ نوسینی یاسین قادر به‌رزنجی بوو، ده‌رهێنانی ئه‌ژین حه‌مه‌ نوری و نواندنی ئه‌ژین حه‌مه‌ نوری و سالار ئیبراهیم بوو.

شانۆییه‌که‌ شانۆییه‌کی درامیی کۆمیدیی تراژیدیی بوو، که‌ باسی له‌ که‌سایه‌تییه‌ک ده‌کرد به‌هۆی سه‌رده‌می سه‌ربازیه‌وه‌ که‌وتبووه‌ نه‌خۆشخانه‌ی ده‌روونی و ئاواتی ئه‌وه ‌بوو بچێته‌ نێو دونیایه‌کی دیکە، که‌ ئه‌ستێره‌که‌ی خۆی بوو.

ک.ک