بە مەقام هاوسۆزی خۆی بۆ ڕۆژئاوا دەردەبڕێت و داوای یەکگرتن دەکات

مام جەلال، مەقام بێژێکی خەڵکی خورماتووە و لە ناو خەڵک و لە تۆڕەکۆمەڵایەتییەکان، بەوە بەناوبانگە  کە وەکو دەنگبێژانی کۆن، بەدەنگ و هونەرەکەی مێژوو و کۆژانەکانی گەلی کورد دەخاتەڕوو، لەئێستاشدا بە مەقامێک هاوسۆزی خۆی بۆ ڕۆژئاوای کوردستان دەردەبڕێت و داوای یەکێتی نەتەوەیی کورد دەکات


 

لەچوارچێوەی هەڵوێستە جیاوازەکانی کۆمەڵگا لە دژی پەلامار و داگیرکارییەکانی دەوڵەتی تورک، بۆسەر باکور و ڕۆژهەڵاتی سوریا و پشتیوانیکردنەکان، لە گەلی کورد لە ڕۆژئاوای کوردستان، جەلال فارس ناسراو بە مام جەلال، کە مەقام بێژێکی ناسراوی خەڵکی شارۆچکەی دووزخورماتووی سەر بە پارێزگای سەڵاحەدینە، بەدەنگ و هونەرەکەی هاوسۆزی خۆی بۆ ڕۆژئاوای کوردستان دەردەبڕێت و داوای یەکێتی نەتەوەیی کوردان دەکات دژ بە داگیرکاریی.

مام جەلال، ئاماژە بەوە دەکات، کە گەلی کورد بەهۆی پەرتەوازەیی نێوخۆوە، دەریایەک خوێنی داوە و نەگەیشتووە بە ئامانجەکانی، هەروەها داوای یەکێتی نەتەوەیی لە گەلی کورد دەکات لە دژی داگیرکاریی، داواشدەکات خەبات و ئامانج و پرسی نەتەوەیی کورد لە هەرچوارپارچەی کوردستان یەکبخرێت.

ک.س