سلێمانی، "ئەگەر چەک نەبم، هونەر دەبم بۆ رۆژئاوا" نمایش دەکرێت

لە سلێمانی، ڕێکخراوی نوێگەر لە درێژەی زنجیرە چالاکییەکانیاندا، بە دروشمی "ئەگەر چەک نەبم، هونەر دەبم بۆ رۆژئاوا"، پێشانگایەکی شێوەکاری بۆ پشتیوانی لە ڕۆژئاوای کوردستان بەڕێوە دەبات.


بڕیارە ڕۆژی پێنجشەمە، ٥ی مانگ، کاتژمێر ٠٣:٠٠ی دوای نیوەڕۆ لە ۆڵی تەوار لە شاری سلێمانی، لە لایەن ریکخراوی نوێگەر بۆ گەشەپێدانی هونەریی پێشانگایەکی شێوەکاری بۆ پشتیوانی لە ڕۆژئاوای کوردستان بکرێتەوە و بۆ ماوەی دوو ڕۆژ بەردەوام دەبێت.

پێشانگاکە لە ژێر ناونیشانی "ئەگەر چەک نەبم، هونەر دەبم بۆ رۆژئاوا"، بە بەشداری هونەرمەندانی شێوەکار، بەختیار ئەبوبەکر، عەدنان عەبدولقادر، شاد عەلی، هۆگر ئەکرەم، ژیان تەها، قانع عەبدولڕەحمان و هادی فەتاح عومەر دەبێت، کە بە هونەرەکەیان پشتگیر بەرخۆدانی ڕۆژئاوای کوردستان دەکەن.

ئەمەش لە کاتێکدایە، کە نزیکە دوو مانگە لەلایەن دەوڵەتی تورکەوە هێرشی داگیرکاریی بۆ سەر ڕۆژئاوای کوردستان بەردەوامە و لە ئەنجامی ئەو هێرشانەدا چەندین هاوڵاتی مەدەنی شەهید و بریندار بوون.

س.ح