شەشەمین فێستیڤاڵی گوڵە هەنار بۆ شیعری لاوان بەڕێوەدەچێت

شەشەمین فێستیڤاڵی گوڵە هەنار بۆ شیعرى لاوان لەپارێزگای هەڵەبجە بەڕێوەدەچێت.


دوای پێنج ساڵ لە ئەنجام نەدانی ئەمڕۆ شەشەمین فێستیڤاڵی گوڵە هەنار بۆ شیعرى لاوان لە هۆڵی دكتۆر مستەفا زەڵمی لە شاری هەڵەبجە بەڕێوەدەچێت.

فێستیڤاڵەکە بە ناونیشانی (گوڵە هەنار باخێك بۆ چرۆی قەڵەمەكان) بەڕێوەدەچێت و بڕیارە ماوەی دوو ڕۆژ بەردەوام بێت. 

پەروێز نیازی، بەڕێوەبەری ڕۆشنیری و هونەری پارێزگای هەڵەبجە بۆ ڕۆژنیوز وتی: دوای ٥ ساڵ  قەیرانی دارایی توانیمان فێستیڤاڵەکە زیندو بكەینەوە كە ماوەی دوو ڕۆژ بەردەوام دەبێت.

وتیشی: "شاعیرانی هەر چوار پارێزگاكەی هەرێم و ئیدارەكانی ڕاپەڕین و گەرمیان بەشدارییان لە فێستیڤاڵەكەدا كردوە، تێیدا ١٦ شاعیر شیعرەكانیان دەخوێننەوە، ئامانجیش لەفێستیڤاڵەكە خزمەتكردنە بە بواری ئەدەب و هونەرو ڕۆشنبیری بەگشتی لەهەڵەبجەدا، یەكێك لەوانەش خزمەتكردنی شاعیرانە، كە خەڵكانێكی دیاری ناو ڕۆشنبیرین پێمان باشبوە بەشیعرەكانیان خزمەت بەكوردستان و بواری ئەدەب بكەن".

ک.س