عەلی كەندی نووسەر و مێژوو نووس كۆچی دوایی كرد

دوای ماوەیەك لە ململانێ لەگەڵ نەخۆشی، نووسەر و مێژوو نووس عەلی كەندی لە شاری هەولێر كۆچی دوایی كرد.


دوا نیوەڕۆی ئەمڕۆ لە شاری هەولێر نووسەر و مێژوو نووس عەلی كەندی دوای ململانێ لەگەڵ نەخۆشی، لەناو ماڵەكەی خۆی كۆچی دوایی كرد.
 
عەلـی كەندی ناوی تەواوی هۆمەر عەلـی فەتاح-ە، لە ساڵی 1953 لە گوندی سەربەشاخ كە مەڵبەندی هۆزی سیانە و سەر بە شارەدێی دیبەگەی سەر بە شارۆچكەی مەخمووری پارێزگای هەولێرە لەدایك بووە.

عەلی كەندی لە نووسینێكدا دەڵێ: نە ئێرانیم ونە ئێراقیم ونە توركیم و نــە سوریم و نە كەنەدیم، بەڵكو كوردم و كوردستانیم، گەر مردیشم پرسیارو وەڵامی گۆڕەكەم بە كوردی نەبێ‌ ڕەتیدەكەمەوە.
  
بەشێك لە بەرهەم و بڵاكراوەكانی نووسەری كۆچ كردوو:        
1.ساڵنامەی كوردستان كە یەكەم بەرهەمی نووسینەكانە.

2. فەرهەنگی ڕووداوەكانی كوردستان و وڵاتانی جیهان.

3. مێژوونامە.

4.نەخشەی جیهان، بەزمانی كوردی بەناونیشانی، كورد لەنێو نەخشەی ڕامیاری جیهان.

چەندین بەرهەمی نووسینی دیكەی بڵاوكراوەی هەیە و ژمارەیەك كتێب و بەرهەمی چاپ نەكراویشی هەیە، كەبەشێكیان ئامادەكراون بۆ چاپكردن.

د.ح