فیستیڤاڵی دەنگە جیاوازەکان بەڕێوەچوو

پێنجەمین فیستیڤاڵی دەنگە جیاوازەکان لە شاری هەڵەبجە بەڕێوەچوو.


ئەمڕۆ لە هۆڵی بۆنەكانی شاری هەڵەبجە پێنجەمین فیستیڤاڵی دەنگە جیاوازەكان لەژێر ناوی (عەشقی وەلی دێوانە لە پایزدا ئەپشكوێ‌) بە ئامادەکاریی ڕێكخراوی كوردیۆ و ئیدارەی پارێزگای هەڵەبجە بەڕێوەچوو.

لە پێنجەمین فیستیڤاڵی دەنگە جیاوازەكاندا چەند چالاكییەكی جۆراو جۆر بەڕێوەچوون وەك خوێندنەوەی چەند پارچە شیعرێك، هەروەها چڕینی هۆرە  و ژەنینی شمشاڵ و نمایشی هەڵپەڕكێی كوردیی و پێشانگای كاری دەستیی و چەند چالاكییەكی دیكەی هونەریی.

بڕیاربوو لە فیستیڤاڵەکەدا، کە هەر ساڵە و لە شارێک بەڕێوەدەچێت، هونەرمەندانی چوار پارچەی کوردستان ئامادە بن، بەڵام بەهۆی ڕێگرییەکانی سەر سنوورەوە هونەرمەندانی باکور و ڕۆژئاوای کوردستان نەیانتوانی بێنە باشور و بەشداریی فستیڤاڵەکە بکەن.




ش.ف