فێستیڤاڵی شادیی و سەرکەوتن بەڕێوەچوو

لە شارۆچكەی سیدسادق ڕێكخراوی كوردیۆ فێستڤاڵێكی تایبەتی بە نمایشكردنی كاری دەستی ژنان كردەوە كە چەند بڕگەیەكی جۆراو جۆری لەخۆگرتبوو.


ئێوارەی ئەمڕۆ ڕێكخراوی كوردیۆ فێستیڤاڵێكی تایبەتی بە نمایشكردنی كاری دەستی ژنان كردەوە لە فێستیڤاڵەكەدا شانۆگەرییەكی تایبەت بە منداڵان نمایشكرا و گروپی هەڵپەڕكێی ڕێكخراوی كوردیۆ چەند تابلۆیەكی هەڵپەڕكێیان پێشكەش كرد.

سرووە عوسمان خانمێكی دەست ڕەنگینی شاری سلێمانی بوو بەشداری لەفێستیڤاڵەكەدا كردبوو بۆ ڕۆژنیوز وتی: ئێمە وەك كۆمەڵێك ژن بەكاری دەستی ئەمڕۆ بەشداربوین لەم فێستیڤاڵەدا، ئیشەكانیشمان زیاتر تابلۆ و ئیكسسوارات و نەخشی خەنەیە  بۆ دەستی ژنان و منداڵان.

وتیشی: ئەم جۆرە پێشانگایانە بۆ ئێمەی ژنان زۆر باشە، تێیدا لەڕێگەیەوە داهاتێك بۆ خۆمان دابین دەكەین و جێگا دەستی خۆشمان دیاری دەكەین كارەكانیشمان بەنرخی گونجاو دەفرۆشین و گرانترین كارمان ئەمڕۆ نرخەكەی 25 هەزار دیناربووە.

د.ح