كۆنسێرتێكی گۆرانی و میوزیك لە كەلار بەڕێوە چوو

سەنتەری چالاكی گەنجانی كەلار بە ناونیشانی(ئاوێزان بوونی ئاوازەكان لەسینەی دەف و ژێیەكاندا)كۆنسێرتێكی گۆرانی و میوزیكی ئەنجامدا.


ئێوارەی ئەمڕۆ لە هۆڵی سەنتەری چالاكی گەنجانی كەلار لە شارۆچكەی كەلاری ناوەندی ئیدارەی گەرمیان، بەشی هونەری سەنتەرەكە كۆنسێرتێكی گۆرانی و میوزیكی ئەنجامدا.

لە كۆنسێرتەكەدا كچان و كوڕانی فێرخوازی بەشی هونەری سەنتەرەكە چەند پارچە موزیك و ئاواز و گۆرانیەكیان پێشكەشكرد.

ئامادەبووان كە لەكوڕان و كچانی شارۆچكەكە پێكهاتبوون خۆشحاڵ بوون بەم چالاكیە و ئاماژەیان بەوەدا، بۆ زیندوو كردنەوەی چالاكییە هونەرییەكان لە شارۆچكەكەدا، بوونی ئەم چالاكییانە گرنگە، هەروەك هۆكارێكیشە بۆ پاراستنی كلتوور و هونەری كوردی.

د.ح