لە هەولێر بەکردنەوەی پێشانگایەک ڕۆژی جیهانی فۆتۆگرافی كرایەوە

ڕۆژی جیهانی فۆتۆگرافی لە شاری هەولێر بە کردنەوەی پێشانگایەکی فۆتۆگرافی بەرز ڕاگیرا.  


ئەمڕۆ ڕێكخراوی كوردستان فۆتۆ، بەبۆنەی ڕۆژی جیهانی فۆتۆگرافییەوە پێشانگایەکی فۆتۆگرافی بۆ ٢٥ فۆتۆگرافەری ناوخۆ و دەرەوەی هەرێم لە ناو سەنتەری ڕۆشنبیریی قەڵا لە شاری هەولێر كردەوە.

ئاسۆ كەریم، بە ڕۆژنیوزی ڕاگەیاند، ساڵانە لە لوبنان و هەرێمی كوردستان بە چالاکی جۆراو جۆر ئەو ڕۆژە بەرز ڕادەگرین.

وتیشی: ئەمساڵ جیاوازتر لە ساڵانی ڕابردوو بە كردنەوەی پێشانگایەكی فۆتۆگرافی بۆ فۆتۆگرافەرانی ناوخۆ و بیانی کە تێیدا ٦٠ فۆتۆی ٢٥ فۆتۆگرافەر نمایشکرا.

سەرۆكی رێكخراوی كوردستان فۆتۆ، لەسەر خراپی ڕەوشی هونەریش ڕایگەیاند "دۆخی هونەری  زۆخراپە بەشێوەیەک تەنانەت ئەو فۆتۆیانەش کە لەم پێشانگایەدا نمایش کراون كەسێك لەسەر گیرفانی خۆی خستونیەتە چوارچێوە و هیچ لایەنێكی پەیوەندیدار ئەو ئەركەی نەخستۆتە سەرشانی خۆی".

ک.س