لە کەرکوک هەوڵی بە کەلتورکردنی خوێندنەوە دەدرێت

له‌ شاری که‌رکوک سیمینارێک ده‌رباره‌ی خوێندنه‌وه‌ی په‌رتووک به‌ڕێوه‌چوو، ڕیکخەرانی سیمینارەکەش دەڵێن، ئامانجیان ئەوەیە بە کەلتورکردنی خویندنەوە لە شارەکە پەرە پێبدەن.


ئێواره‌ی ئه‌مڕۆ ماڵی ڕۆشنبیری که‌رکوک به‌ هاوکاری کۆمه‌ڵه‌ی دۆستانی کتێب و کچانی ژیر، سیمینارێکی له‌ژێر ناوی "چۆن خوێندنه‌وه‌ بکه‌ین به‌ که‌لتور" له‌ هۆڵی سه‌نته‌ری ڕۆشه‌نبیری که‌رکوک ئه‌نجامدا.

له‌ سیمیناره‌که‌دا تیشک خرایه‌ سه‌ر به‌ که‌لتورکردنی خوێندنه‌وه‌ی په‌رتووک له‌ کۆمه‌ڵگای شاری که‌رکوک، هه‌روه‌ها میکانیزم و شێوازه‌کانی به‌ کەلتورکردنی خوێندنه‌وه‌ خرایه‌ڕوو.

سازان عوسمان، به‌رپرسی کۆمه‌ڵه‌ی کچانی ژیر ده‌رباره‌ی ئامانجی سیمیناره‌که‌ بۆ ڕۆژنیوز وتی: ئامانجمان له‌ سیمینارەکەی ئه‌مڕۆ بریتی بوو لە به‌ کلتورکردنی خوێندنه‌وه‌، باسمان له‌وه ‌کرد، که‌ مرۆڤ چۆن ده‌توانێت کتێبی خۆش بوێت، ئێمه‌ش وه‌ک کۆمه‌ڵه‌ی کچانی ژیر ئامانجمان به‌ کلتوکردنه‌وه‌ی خوێندنه‌وه‌یه‌، سیمیناره‌که گرنگ بوو، به‌ وردی گفتۆگۆ کرا و میکانیزمه‌کانی خوێندنه‌وه‌ تاوتوێکرا.

وتیشی: له‌ پڕۆژه‌ماندایه،‌ که‌ به‌ کلتورکردنه‌وه‌ی خوێندنه‌وه‌ له‌ ته‌واوی خۆێندگاکانی شاری که‌رکوک بکرێت به‌ سیسته‌م.

له‌ سیمیناره‌که‌دا له‌ لایه‌ن ئاماده‌بووانەوە پرسیار و گفتوگۆ ده‌رباره‌ی میکانیز‌مەکانی به‌ کلتورکردنه‌وه‌ی خوێنده‌وه‌ کرا.


ک.ک