هونه‌رمه‌ندان له‌ نه‌وه‌کانی ئه‌نفال-یان برده‌وه‌ 

 بۆ یادی ٣١ ساڵه‌ی تاوانی ئه‌نفال، هونه‌رمه‌ندانی شارۆچکه‌ی که‌لار و نه‌وه‌کانی ئه‌نفال لە یارییەکدا به‌ یه‌کگه‌یشتن و هونه‌رمه‌ندان یارییه‌که‌یان برده‌وه‌. 


ئێواره‌ی ئه‌مڕۆ، له‌ دوا چالاکییه‌کانی یادکردنه‌وه‌ی ٣١ ساڵه‌ی تاوانی ئه‌نفال، نه‌وه‌کانی ئه‌نفال و هونه‌رمه‌ندانی شارۆچکه‌ی که‌لار، یارییه‌کی دۆستانه‌یان ئه‌نجامدا.

یارییه‌که‌، له‌ یاریگای یانه‌ی وه‌رزشی ڕزگاری ئه‌نجامدرا، لە کۆتایی یارییه‌کەدا‌، هونه‌رمه‌ندان به‌ ئه‌نجامی دوو گوڵ به‌رامبه‌ر به‌ گوڵێک، یارییه‌که‌یان له‌ نه‌وه‌کانی ئه‌نفال برده‌وه‌.

دوای ته‌واوبوونی یارییه‌که‌ش، له‌ مه‌راسیمێکدا، خه‌ڵات به‌سه‌ر هه‌ردوو تیپدا دابه‌شکرا.


ک.ک