گەریلاکان لە خواکورک چالاکیان ئەنجامدا

دژی سوپای داگیرکەری تورک، گەریلاکان لە خواکورک چالاکیان ئەنجام دا، بەڵام ژمارەی کوژراو و بریندارانی تورک نەزاندراوە.


دەربارەی نوێترین چالاکی گەریلاکان و هێرشەکانی دەوڵەتی تورک، ئەمڕۆ ناوەندی ڕاگەیاندنی و چاپەمەنی هێزەکانی پاراستنی گەل- هەپەگە، ڕاگەیەندراوێکی بڵاوکردەوە.

لە ڕاگەیەندراوەکەدا هاتووە: لە چوارچێوەی هەنگاوی شۆڕشگێڕی شەهید باگەر و شەهید ڕۆنیادا، گەریلاکانمان دوێنێ ٧ی مانگ، لە کاتژمێر ٠٧:١٥ی ئێوارەدا لە خواکورک لە هەرێمەکانی پاراستنی مەدیا، لە دژی داگیرکەر لەسەر گردی شەهید ساریا چالاکییەکیان ئەنجام دا، لە ئەنجامدا گورزێکی کوشندە لە بنکەکانی سوپای تورک درا و تێکشکێندران، بەڵام ژمارەی کوژراو و بریندارەکانی دەوڵەتی تورک لەو چالاکییەدا ڕوون نەبووەتەوە.

هەپەگە ئاماژەی بە چەند بۆردوومانێکی دوێنێی سوپای تورک کردووە، کە بەمشێوەیە بووە: لە کاتژمێرەکانی، ١١:٣٠ بۆ ٠١:٣٠دوای نیوەڕۆ گوندی هۆرێ لە زاپ، کاتژمێر ٠٣:٣٠ دوای نیوەڕۆ ئەشکەوتی برینداران، ٠٧:٣٠ی ئیوارە گوندی یەکماڵ لە مەتینا، کاتژمێر ٠٨:٠٠ی ئێوارە گوندی گووزێ لە گارە، بۆردوومان کراون.

س.ح