یادی قادر مەردان كرایەوە

لە شاری كەركوك یادی هونەرمەندی كۆچكردوو قادر مەردان كرایەوە و چەند گۆرانییەکی هونەرمەند پێشكەش بە ئامادبوان كرا.


لە چوارچێوەی چالاكییەكانی هەفتەی ڕۆشنبیریی و هونەریی كەركوك، نیوەڕۆی ئەمڕۆ لە هۆڵی ڕۆشنبیریی شارەكە یادی هونەرمەندی كۆچكردوو قادر مەردان كرایەوە.

لە یادەكەدا، ژیانامەی هونەرمەند خوێنراوە، هەروەها هاوڕێكانی هونەرمەند قادر مەردانباسیان لە ژیانی هونەرمەندی كۆچكردوو كرد.

قادر مەردان

دواتر لە ڕێگای كورتە فلیمێكەوە ژیان و شێوازی هونەریی هونەرمەند خرایە ڕوو.

هەرلە یادەكەدا ڕووانین دڵشاد هونەرمەندی شاری كەركوك چەند بەرهەم و گۆرانییەكی هونەرمەند قارد مەردانی پێشكەش بە ئامادەبووان كرد.

هونەرمەد قادر مەردان لە ساڵی 1938 لە شاری كەركوك لە دایكبووە، ساڵی 1960 پەیمانگای هونەرە جوانەكانی لە شاری بەغدا تەواو كردووە، 36 گۆرانیی تۆمارکراوی هەبووە و لە ساڵی 2014 لە وڵاتی سوید كۆچی دواییكردووە.

ش.ف