یەکەمین پێشانگای نێودەوڵەتی نیگارکێشانی هەولێر کرایەوە

بە بەشداری ژماریەک لە هونەرمەندانی ناوخۆیی و بیانیی، یەکەمین پێشەنگای نێودەوڵەتی نیگارکێشانی هەولێر کرایەوە.


دوانیوەرۆی ئەمڕۆ لە گەلەری شانەدەر لە شاری هەولێر یەکەمین پێشانگای نێودەوڵەتی نیگارکێشانی هەولێر کرایەوە، کە بەشداربووان پێکهاتبوون لە ژماریەک هونەرمەندی عێراقی و ئەردەنی و لبنانی و سوری و ڕوسی و کوردانی چوار پارچەی کورستان.

هاوکار ڕەسکن، یەکێک لە ڕێکخەرانی پێشانگاکە بە ڕۆژنیوزی وت: ئێمە وەک گروپی هاوکاری بۆ کاری هونەریی بە هاوکاری وەزارەتی ڕۆشنبیری و بەڕێوبەرایەتی گشتی هونەری هەولێر، یەکەمین پێشانگای نێودەوڵەتی نیگارکێشانی هەولێرمان ڕێکخست.

وتیشی: هونەرمەندانی هەر چوار پارچەی کوردستان بەشدارن بە هاوبەشی لەگەڵ هونەرمەندانی بیانیی، لەوانەش عێراقی و ئەردەنی و لوبنانی و سوری و ڕوسی، ئامانجیشمان نیشاندانی بەهرەکانمانە بە  هونەرمەندانی بیانی.

 

ک.ک