لەماوەى سێ ڕۆژدا سێ هاوڵاتی لە دهۆک کۆتاییان بە ژیانی خۆیان هێناوە و لە هەولێریش کەسیک برایەکی خۆی کوشت.
بەڕێوەبەرایەتى پۆلیسى زاخۆ بڵاویکردەوە، کاتژمێر ٨:٣٠ خولەکى بەیانى ئەمڕۆ گەنجێکى تەمەن ٢٦ ساڵ، کە دانیشتووى کامپى بێرسڤە، لەڕێگەى خۆ هەڵواسینەوە کۆتایی بە ژیانى خۆى هێناوە.
هەروەها، پۆلیسى زاخۆ ئاماژەى بەوەشکردووە: کاتژمێر ٢ ى پاش نیوەڕۆى ١٤ی ئەم مانگە،ژنێکى گەنجى ئێزدى، کە دانیشتووى کامپى بێرسڤە، کۆتایى بەخۆى هێنا.
لە هەمانکاتدا، پۆلیسى دهۆک بڵاویکردەوە، ئەمڕۆ لە شارۆچکەى دێرەلوک هاوڵاتییەکى تەمەن ٤٦ ساڵ لەڕێگەى خۆ هەڵواسینەوە کۆتایى بەژیانى خۆى هێنا.
هەر ئەمڕۆ بەهۆى دروستبوونى دەمەقاڵێووە لەنێوان دوو برا، کە خەڵکى ڕۆژئاواى کوردستانن و لەناوچەى پیشەسازیى هەولێر کاردەکەن، یەکێک لە براکان لەڕێگەى دوو فیشەکەوە برایەکى تەمەن ٢٢ ساڵى خۆى کوشت.
ئ.م
