سەرۆكایەتی شارەوانیی سلێمانی رایگه‌یاند، له گۆڕستانەكانی سلێمانی شوێنی ناشتنی مردوو نه‌ماوه و پێویسته هاوڵاتیان له‌مه‌ودوا مردوه‌كانیان لەگۆڕستانی نوێی سلێمانی بەخاك بسپێرن.
سەرۆكایەتی شارەوانیی سلێمانی له ڕاگه‌یه‌ندراوێكدا ئاگاداری سەرجەم هاوڵاتیانی شاری سلێمانی دەكات، كە سەرجەم گۆڕستانەكانی سنووری شارەوانیی سلێمانی جێگای ناشتنی (مردوی) تیانەماوە.
سەرۆکایەتی شارەوانی سلێمانی ئەوەشی وتووە، داواكارن لە هاوڵاتیان بۆ لەمەودوا مردوه‌كانیان لەگۆڕستانی نوێی سلێمانی لەسەر ڕێی هوانە نزیك شاری مامۆستایان بەخاك بسپێرن.
ئەوەشی ڕوونکردووەتەوە، ناشتنی ئه‌و ژماره زۆره‌ی مردو له گۆڕستانه‌كانی سنووری شاره‌وانی سلێمانی قەڕەباڵغییەكی زۆری دروستكردووە لەناو شاردا، ناڕەزایی هاوڵاتیانی لێكەوتوەتەوە، هه‌ر هاوڵاتییه‌ك پابه‌ندنه‌بێت ناچارن ڕێكاری یاسایی بەرانبەر بگرنه‌بەر.
ها-غ
