لە سیمیناریکدا لەبارەی کاریگەریەکانی ماددەی هۆشبەر لەسەر دەرونی مرۆڤ هۆشداری درا لەوەی کە بەکار هێنەرانی ئەو ماددانە لە پەیوەندیەکۆمەڵایەتیەکان دادەبڕێن و بۆ بەدەستهێنانی هەموو کاریکی خراپ دەکەن.
لەشارۆچكەی كەلار سمینارێك لەسەر كاریگەریی ماددەهۆشبەرەكان لەسەر دەروونی بەکارهێنەران بەڕێوەچوو باس لە ریگاکانی هەوڵدان بۆ دوورکەوتنەوە لەو ماددانە باسی لیوەکرا.
سیمینارەکە لەچایخانەی میللەت لەشارۆچكەی كەلار بەبەشداری ژمارەیەک لە گەنجانی شارەکە بەڕێوەچوو و شێركۆ عەبدوڵا، پسپۆری چارەسەری دەروونی، باسی ڕەفتار و نیشانە دەروونی و جەستەییەكانی كەسانی ئاڵودەبوو كرد.
ئاماژەی بەوەکرد:ئەو كەسانەی ئاڵودەدەبن تووشی خەمۆكی و گۆشەگیری دەبن، دادەبڕێن لەپەیوەندییە كۆمەڵایەتییەكان، هەمیشە لەهەوڵی بەدەستهێنانی مادەی زیاتردان، ئامادەشن بۆئەوەی ماددەکە بەدەستبهێنن هەموو كارێكی خراپ بکەن.
لە بارەی ریگاکانی دوورکەوتنەوەی ئاڵوودەبوان ڕونیکردەوە، كەسی ئاڵوودەبوو بە ئیرادەیەكی پتەو دەتوانێت واز لەو ماددانە بهێنێت و لەژیانی خەمۆكی دەربازی ببێت.
ها-ع
