ته‌رمی هاوڵاتیه‌ك دۆزرایه‌وه و ئاسەواریی گوللـە بە جەستەیەوە‌یەتی

له‌ سنوری شارۆچكه‌ی چه‌مچه‌ماڵ، ته‌رمی کەسێک دۆزرایەوه‌‌ و ئاسه‌واری فیشه‌ك به‌جه‌ستەیە‌وه‌ دیارە.‌


شەوی ڕابردوو له‌ نێوان هه‌ردوو شاره‌دێی سه‌نگاو و شۆڕشی سه‌ر به‌ شارۆچكه‌ی چه‌مچه‌ماڵی پارێزگای سلێمانی، ته‌رمی کەسێک به‌ناوی ئا. ڕ، له‌ دایكبووی سالی ١٩٨٧ دۆزرایەوە .

به‌پێی ئه‌و زانیارییانه‌ی، ئه‌یوب حه‌مه‌، جێگری به‌ڕێوه‌به‌ری ته‌ندروستی چه‌مچه‌ماڵ به‌ڕؤژنیوزی داوه‌، ته‌رمەکە شه‌وی ڕابردوو براوه‌ته‌ نه‌خۆشخانەی چەمچەماڵ‌ و دوای پشکنین ئاسه‌واری فیشه‌ك به‌جه‌سته‌وه‌ییه‌ دیار بووە، به‌ڵام هۆكاری كوشتنه‌كه‌ی نه‌زانراوه و بە مەبەستی ئەنجامدانی توێکاری تەرمەکەی ڕه‌وانه‌ی پزیشكی دادوه‌ری سلێمانی كراوه‌.

ک.س