دانیشتوانی بناری قەندیل چاوەڕێی هاوکاریین

دانیشتوانی بناری قەندیل، کە لە لافاوەکەی ٢٦ ئۆکتۆبەر زیانێکی زۆریان پێگەیشتبوو، چاوەڕێی هاوکارییەکانی خەڵک-ن، هاوسەرۆکیی شارەوانیی بناری قەندیل دەڵێت: ئەگەر بارانێکی دیکە ببارێت زیانێکی گەورە دروست دەکات.


ئەنجومەنی گەل و شارەوانیی بناری قەندیل کەمپەینێکیان بۆ کۆکردنەوەی هاوکاریی بۆ زیانلێکەوتوانی لافاوەکەی شەوی ٢٦ی ئۆکتۆبەر کە بەر گوندەکانی بناری قەندیل کەوت، ڕاگەیاندووە.

محەمەد حەسەن، هاوسەرۆکی شارەوانیی بناری قەندیل لە سەر کەمپەینەکە زانیاریی داوەتە ڕۆژنیوز و ئاماژەی کردووە، کەهەندێک هاوکاریی کۆکراوەتەوە، بەڵام بە گوێرەی پێویست نییە، هەروەها ڕایگەیاند: ئێمە بە دەرفەتی خۆمان ڕێگەی نێوان گوندەکانمان کردووەتەوە، بەڵام ئەگەر بارانێکی بەهێز ببارێت، ئەو ڕێگایانە دیسان دەگرێت و پەیوەندی نێوان گوندەکان دەبڕێت.

حەسەن، وتی ئەو کەمپەینە بۆ ماوەی مانگێک بەردەوام دەکات و دوای ئەو ماوەیە ڕێژەی هاوکارییەکان بڵاو دەکەینەوە.

محەمەد حەسەن، هاوسەرۆکی شارەوانیی بناری قەندیل، سەرنجی ڕاکێشایە سەر بچڕانی هێڵی کارەبا و وتی: کارەبای زۆربەی گوندەکان براوە، ١٥٠ ستوونی کارەبا کەوتبوون و ئێستا دەست کراوە بە دروستکردنی هێڵی کارەبا، کارەبای زۆرێک لە گوندەکان لەسەر بەنداوە، زۆرێک لە گوندەکان کارەبای حکومییان نیە، وەک دۆڵی باڵەیان.

محەمەد حەسەن، بانگەوازی بۆ هاوکاریی کرد و وتی: پێویستیمان بە هاوکاری مادی و کەرەستەی بیناسازییە.

بەو ژمارە و ناونیشانانە ئێوە دەتوانن هاوکارییەکانتان بگەینن:

ژمارەی بانکی هەولێر، سلێمانی و زاخۆ: ١٤٦٥٢

ژمارە تەلەفۆنەکان:

هەولێر: ٠٧٧٣٦٩٤٥٧٥٧

سلێمانی: ١٧٧٠١٥٦٤٤١٨

کەرکوک: ٠٧٧٠١٣٢٣٢٤٥                      

ڕاپەڕین: ٠٧٥٠٩٩٨٣٧٩٣                          

گەرمیان: ٠٧٧٠٢٩٠٧٧٦٤  

شارەزوور: ٠٧٥٠٧٣٧٠٦٩٥  

شارەوانیی بناری قەندیل: ٠٧٧٠٨٩٤٧٦٧٧  

ش.ف