شاهۆ لە زیندانی کەرکوک هەڵهات و لە سنووری تورکیا دەستگیرکرایەوە

زیندانییەک چەند ڕۆژێك لەمەوبەر لە کەرکوك هەڵهات، هەواڵی دەستگیرکردنەوەی لە سنوری تورکیا - عێراق ئاشکرا کرا، ئێستا زیندانکراوەتەوە لە بەڕێوبەرایەتی نەهێشتنی تاوان.


دوای ئەوەی ڕۆژی ٢٦-١-٢٠١٩ زینداینیەك بە ناوی (شاهۆ لوقمان) لە بنکەی پۆلیسی رەحیماوا ی شاری کەرکوك بەرەو شوێنێکی نادیار هەڵات، ئەمڕۆ دەستگیرکردنەوەی ڕاگەیەندرا.

بە وتەی عەقید قەیس عامر بەڕێوبەری پۆلیسی نەهێشتنی تاوانی کەرکوك بۆ ڕۆژنیوز، شاهۆ لوقمان بە تاوانی کوشتن و هەڵکوتانە سەر ماڵان بەچەك و دزی دەستگیرکراوە، دەشڵێت پاش هەڵهاتنی لە زیندان، لەم ڕۆژانەی رابدردوودا توانراوە بەهەماهەنگی لەگەڵ پۆلیسی هەرێم، لەسنوری تورکیا - عێراق لە ناوچەیەکی سەر بە شارۆچکەی زاخۆ دەستگیربکرێتەوە، ئێستا لە بەڕێوبەرایەتی پۆلیسی نەهێشتنی تاوان لە کەرکوک دەستبەسەرە.

س.ح