لە سنووری هەولێر ٦ سەربازی دەوڵەتی تورک کوژران

لەئەنجامی چالاکیی گەریلاکانی هەپەگە و یەژاستار، لە ناوچەی بارزان-ی سەر بە پارێزگای هەولێر شەش سەربازی دەوڵەتی تورک کوژران و دوانی دیکەش برینداربوون.


ئەمڕۆ ناوەندی ڕاگەیاندنی هێزەکانی پاراستنی گەل-هەپەگە، لە ڕاگەیەندراوێکدا زانیاریی لەبارەی چالاکیی گەریلاکانی هەپەگە و یەژاستار لە ناوچەی بارزان-ی سەر بە پارێزگای هەولێر، خستەڕوو.

لە ڕاگەیەندراوەکەدا هاتووە:"سوپای تورک ماوەیەکە لەنزیک گردی خوەدێ لە ناوچەی بارزانی باشوری کوردستان جێگیربوون، هێزەکانمان سەربازانی دووژمنیان خستە ژێر کۆنترۆڵی خۆیانەوە، لە ١٤/٥/٢٠١٩ کاتژمێر ٠٨:٤٠ خولەکی شەو لە چوار چێوەی هەڵمەتی شۆڕشگێڕیی شەهید باگەڕ و شەهید ڕۆنیا، کە لە هەرێمەکانی پاراستنی مەدیا بەردەوامە، چالاکییەکیان ئەنجامدا، چالاکییەکە لە دوو قۆڵەوە پێکهات و لەنزیکەوە لە دووژمن درا، لەئەنجامدا چوار سەرباز کوژران و یەکێکی دیکەش برینداربوو، هاوڕێکانمان چوونە سەر لاشەی دووژمن و دەستیان بەسەر چەکێکی جۆری MPT-76-شدا گرت".

هەر لە ڕاگەیەندراوەکەدا هاتووە: هەمان ڕۆژ، هێزەکانمان لەدژی ئەو سەربازانەی، کە بە هێلیکۆپتەر لە ناوچەکە دایانگرتن، چالاکیی سابۆتاژـ تەقینەوەیان ئەنجامدا، لەو چالاکییەشدا دوو سەرباز کوژران و سەربازێکی دیکەش برینداربوو، سوپای تورک دوای چالاکییەکە بە هێلیکۆپتەر کوژراو و بریندارەکانی هەڵگرتەوە و ناچاربوو، کە هەموو سەربزەکانی بگوازێتەوە بۆ بارەگاکانی لە گردی خوەدێ و هیچ زیانێکیش بەر یەکینەکانی ئێمە نەکەت.

 

ش.ف