لە مەخمور جەژنی قوربان پیرۆزکرا

هاوڵاتیانی کامپی شەهید ڕۆستەم جودی لە مەخمور بەبۆنەی جەژنی قوربانەوە سەردانی گۆڕستانیان کرد، دوای ئەوە لە ڕێکخراوی خانەوادەی شەهیدان پێکەوە جەژنیان پیرۆزکرد و بانگی یەکێتیان لە هەموولایەنە کوردستانییەکان کرد.


بەیانی ئەمڕۆ بەبۆنەی جەژنی قوربانەوە، دانیشتووانی کامپی مەخمور سەردانی گۆڕستانیان کرد، دوای ئەوەش لە ڕێکخراوی خانەوادەی شەهیدان لە مەراسیمێکدا پێکەوە جەژنیان پیرۆزکرد.

لە مەراسیمەکەدا چەند کەسێک قسەیانکرد و دوای پیرۆزبایی جەژن، هیوایان خواست کە ئەو جەژنە ببێتە هۆکاری سەرکەوتنی هەموو گەلانی ستەملێکراو و ئازادی و ئاشتی لە ڕۆژهەڵاتی ناوەڕاست.

هەروەها بانگ لە هەموو پارت و ڕێکخراوە کوردستانییەکان کرا کە هەرچی زووە کۆببنەوە و یەکێتی خۆیان دروست بکەن.

س.ح